10. eta 15.jardunaldiaren aurrekoa

Erronka bikoitza Hierros Servando Eibar taldearentzat. Atzeratuta duten partida bakarra, ostiralean jokatuko da Ipuruako kiroldegian. Helvetia Anaitasuna liderra izango da arerioa 19:45tan ospatuko den neurketan. Atseden hartzeko denborarirk gabe, Beti Onak laugarren sailkatua iritsiko da Ipuruara igandean goizeko 12etan. Ez dira, Fernandoren mutilentzat desafio errazak izango. Lehen sailkatua den Helvetia Anaitasunak, 11 partida jolastu eta denak irabazi ditu; txapelketan gol gehien egiten dituen taldea da; ia 10 goleko errentarekin irabazten dituzte neurketak; eta hainbat datu benetan beldurtzeko modukoak. Igandean berriz, Beti onak taldeak bisitatuko du Ipurua. Laugarren dira eibartarrak baino bi puntu gutxiagorekin; Anaitasunaren atzetik ligan bigarren goleatzaile onenak dira. Hori bai, armaginak ez dira kikilduko eta aurpegia ematera kantxaratuko dira,bai ostiralean eta baita igandean ere. Fernandoren mutilak,txapelketa honetan hirugarren dira batez beste gol kopuru gehienen sailkapenean, lehen aipatutako bi taldeen atzetik.

Momentu onean iristen dira armaginak Huescan irabazi eta gero. Aurrekariak ere ez dira txarrak. Iazko Ipuruako  bi neurketetan, berdinketa Anaitasunaren kontra eta garaipena Beti-Onak taldearen aurka. Gainera, liderra da txapelketan gol gutxien jaso dituena, defentsarik onena; aurrealdean berriz, Mikel Redondo, Aitor Albizu edo Iñigo Donezar bezalako jokalari erasokorrak ditu. Igandeko aurkarian, Xabier Iturralde eta Lander Etxarri-Ruiz de Galarreta izango dira hurbiletik zaindu beharrekoak, taldeko goleatzaile onenak izanik.

Gure beste talde batzuk ere asteburu honetan jokatuko dituzte beraien partidak, larunbatean hain zuzen ere. Bai Hierros Servandoren bigarren taldea eta baita jubenila ere Ipuruan arituko dira: Ordizia Siglo XXI Plater Prestatuak-en kontra 16:45tan eta Hettich ZKE-en aurka goizeko 11:30etan hurrenez hurren; Grupo MecalbeEibarko beste bi taldek ere larunbat honetan jokatuko dute, biak etxetik at: goizeko 11:00etan jubenila Ormaiztegiren aurka Zubipe kiroldegian eta kadeteak Ereintza Aguaplastbisitatuko du arratsaldeko 15:30etan Beraungo frontoian.Gogoratu beharra dago gure taldeen etxeko partida guztiak Eibar Eskubaloiaren Youtube kanalean ikusgai egongo direla zuzenean, lehen taldearen bi partidak barne, noski.