Euskotrenek Eibar Eskubaloi Taldeko emakumezkoen saila indartu du lankidetza-hitzarmen baten bidez.

Hitzarmenak klubeko emakumezkoen proiektuaren garapena bultzatzen du eta nesken zein gazteen artean eskubaloia sustatzea du helburu

Euskotrenek eta Eibar Eskubaloi Taldeak lankidetza-hitzarmena sinatu dute klubeko emakumezkoen atala indartzeko. Hitzarmena gaur aurkeztu da Eibarko geltokian eta taldearen kirol-egiturari laguntzea, Euskotren klubaren euskarri ofizialetan egotea eta eskubaloia inguruko neska eta gazteei hurbiltzeko ekimenak garatzea aurreikusten du.

Aurkezpenean emakumezkoen lehen taldeko lau jokalarik hartu dute parte, Naroa Mochales, Maitane Velasco, Nahia Benítez eta Lucía Gutiérrez, Liher Prieto Eibar Eskubaloi Taldeko zuzendaritza kidea eta Yon Andoni Pérez
Euskotreneko Antolakuntza, Operazio, Plangintza eta Sistema Korporatiboetako zuzendariak lagunduta.

Hiru lan-ardatz

• Kirol-errefortzua. Emakumeen atalaren egiturari eta jarduerari laguntzea, lehiaketetan eta ekitaldietan presentzia sendotzeko.
• Ikuspena. Euskotren erakunde laguntzaile gisa sartzea euskarri ofizialetan, ekitaldi instituzionaletan eta klubaren komunikazioan.
• Berdintasuna eta oinarrizko kirola. Nesken eta gazteen artean eskubaloia sustatzea helburu duten ekimenak.

“Akordio honek emakumezkoen proiektuaren egitura indartzen du eta lan ildo bat finkatzen du, gure jokalarien egonkortasuna eta proiekzioa bultzatuz”,adierazi du Liher Prietok.

Bestalde, Yon Andoni Pérezek azpimarratu duenez, “tokiko kirol-erakundeekiko lankidetza gure erantzukizun korporatiboaren parte da, eta komunitatean eragin positiboa sortzen laguntzen du, bereziki berdintasunaren eta oinarrizko kirolaren esparruan”.

Bi erakundeek nabarmendu dutenez, hitzarmenak lankidetza-esparru egonkor bat ezartzen du, Eibarren eta Euskadi osoan emakumezkoen eskubaloia sendotzeko bidean aurrera egiteko.ino en Eibar.