22.J KRONIKA

Hierros Servando Eibar taldearen beste garaipen borrokatua eta landua Dominicos Zaragozaren aurka oraingo honetan, bederatzigarrena jarraian (27-25). Lehenengo zati parekatu baten ondoren, eibartarrek aldea zabaltzea lortu zuten, hala eta guztiz, minutu gutxiren faltan kanpokoak markagailuan hurbildu eta berdinketaren mamua Ipurua kiroldegitik pasa zen. “Gehiegi sufritutako beste etxeko garaipen bat”, aitortu zuen Fernando entrenatzaileak.  Hori bai, armaginek duten adorea atera eta bi puntuak poltsikoratzea lortu zuten azken unean. Maila handiko norgehiagoka ikusi ahal izan zen larunbatean, borrokatua eta emozioz beterikoa. Bigarren jarraitzen du taldeak, hori bai, liderrak jokatzeke zuen azken neurketa irabazi eta hiru puntutara da jada.

Norgehiagoka estua espero zen eta iragarpen guztiak bete zituen lehiak. Lehen zatia bigarrena baino parekatuagoa izan bazen ere, puntu bat harramazkatzeko aukerak izan zituen kanpoko taldeak. “Erasoan errazago egin behar ditugu gauzak eta defentsan ezin dugu arerioei hainbeste jaurtiketa erraz utzi. Landu beharrekoa ezbairik gabe”, zioen Fernandok. Partida osoan hamar berdinketa egon ziren guztira, bien arteko berdintasunaren isla, eta eibartarrak aldentzen hasi zirenean bi puntuak  ziur etxean geratuko zirela pentsatzen hasi ginen denok. Baina txuribeltzek ez zuten amore eman eta segundo gutxiren faltan gol batera jartzea lortu zuten. Orduan, armaginen azken erasoan Lander Casadok defendatzailea atzean utzi eta lasaitasunaren gola egin zuen. Norgehiagokako goleatzailerik nagusiena bilakatu zen Lander zazpirekin. “Neurketa hauek aurrera ateratzen ari bagara ere, etorkizunerako egoera aldatzea izan behar dugu helburu, horrela jarraitu ezkero nazioarteko talderik onenetarikoen aurka jokatuko dugu eta hango partidak erakutsitako joko honekin galdu egiten dira”.

• Senior  Ordizia Biok2 17-24 Grupo Mecalbe Eibar         5.j       Majori kiroldegia, Ordizia
• Senior  Hierros Servando Eibar B 32-23 Saieko KE          9.j        Ipurua kiroldegia
• Jubenil Hierros Servando Eibar 30-24 Deca Elgoibar      3.j       Ipurua kiroldegia
• Jubenil Deca Elgoibar 31-18 Hierros Servando Eibar B   6.j       Olaizaga kiroldegia, Elgoibar
• Jubenil Amenabar 36-30 Hierros Servando Eibar           9.j        Zarautzko udal kiroldegia
• Kadete Grupo Mecalbe Eibar 23-21 Salento Gelati Elgoibar 4.j Ipurua kiroldegia
• Kadete Salento Gelati Elgoibar 14-18 Grupo Mecalbe Eibar  9.j Olaizaga kiroldegia, Elgoibar
• Kadete Grupo Mecalbe Eibar B 25-12 Tecnifuelle Elgoibar    4.j Ipurua kiroldegia
• Kadete Amenabar B 28-25 Hierros Servando Eibar         4.j       Antoniano kiroldegia, Zarautz
• Kadete Hierros Servando Eibar 27-53 Bidasoa Irun         4.j        Ipurua kiroldegia