INFLEXIO-PUNTUA

Somos Eibar taldeak Beti-Onak jasoko du Ipuruako kiroldegian larunbatean arratsaldeko 6:30etan. Zaurituta eta ratxa txar batean murgilduta heltzen dira naparrak, azkeneko lau neurketak galduta. Horretaz aprobetxatzen saiatu beharko dira eibartarrak,  sailkapenean gerturatzea. Gainera lau porrot horrek beherago sailkatutakoen aurka izan dira. Zortzigarren dira 18 punturekin, armaginak baino hiru gehiago. Gogoz kantxaratuko dira gipuzkoarrak lehen itzuliko  neurketan gertatutakoa mendekatzeko.

Ez da arerio batere xamurra izango; Lander Etxarri.Ruiz de Galarreta da beraien gizonik eraginkorrena partiduko lau gol eta erdi sartuz. Alde batetik bestera korrika aritzea gustatzen zaion taldea da naparra, gol askoko norgehiagokak gustoko dituzte eta argi dagoena da aurrean zorrotzen dagoenak eramango duela garaipena. Atzean hiru arerio utz dezake Somos Eibarrek garaipena lortuz eta beste emaitzak ematen badira. Kiroldegira larunbatean agertuko diren zaletuen beharrean dago taldea eta denen artean garaipena lortzea posible da.

Gure talde seniorrak Ipuruako kiroldegian jokatuko dute asteburu hontan. Grupo Mecalbek, igandean goizeko 11:45etan, Txingudi Elgoibarren bisita jasoko duen bitartean, gizonezkoek, larunbatean arratsaldeko 4:30etan Tolosaren bigarren taldea izango du arerio. Jubenilak aldiz larunbat goizean jokatuko dute. Mecalbe, Hernani One Telecomen aurka, Hernaniko udal kiroldegian 12:30etan eta Teknikerrek Udaberriko Txapelketa berrian debutatuko du Tolosaren filiala jasoz Ipuruan 10:30etan.

Kadete mailan, Muelles Zaldua taldea izan ezik, Aiala jasoko bait du Igandean 10etan Ipuruan, beste guztiek bidaiatu beharko dute: Mecalbek Artalekun arituko da larunbatean 4etan Bidasoa Irun aurkari duela; Tekniker, Zarautzko Aritzbatalde udal kiroldegian jokatuko du igandean goizeko 11:15etan Gran Campingen kontra; eta Zumarragako Ispilla kiroldegian arituko dena, Komat taldea izango da igandean goizeko 11:15etan Urola Cristaleria Goiherriren aurka.

Infantiletan, bai Urkotronikek eta baita Mecalbek ere autobusa hartu beharko dute, Neolith Orioren kontra  igandean 10etan Karela kiroldegian eta Kalari Pulporen aurka, larunbatean 12:15etan Zumaiako Lubaki kiroldegian jolasteko hurrenez hurren; Ametsak aldiz Tolosaren bisita jasoko du Unibertsitate Laboralean, larunbatean goizeko 11:30. Etxean arituko direnak ere mutilak izango dira, larunbatean biak. Hierros Servandok, Urola RSaralar Ipuruan hartuko du 11:45etan eta Bengoa Elektrizitateak, Ordizia Orkli 10:15etan Unibertsitatean. El Tio Palancas alebinetan aldiz, nesken neurketa atzeratu den bitartean Sanlo Sukia Bren kontra, mutilak Zumaiako Lubaki kiroldegian arituko dira igandean goizeko 9:30etan Pulpo taldearen aurka.