18.JARDUNALDIA AURREKOA

Ligako 18.hitzordua Hierros Servando Eibar taldearentzat. Tolosa izango da arerioa oraingo honetan eta neurketa Ipuruan jokatuko da larunbatean arratsaldeko 18:30etan. Puntu bakarrera duten lehen postuaren bila irtengo dira armaginak. Ez da erronka makala izango, tolosarrak kontrario gogorrak baitira. Adibide bezala, orain dela bi denboraldi liga txapelketa irabazi zuten 25 garaipenekin guztira.

Hala eta guztiz, tolosarrak ez dira beraien momenturik onenean heltzen Ipuruara. Azkeneko lau partidak galdu dituzte eta 9. Dira sailkapenean. Iazko elkarren aurkako bi partidetan tolosarrak izan ziren garaileak, aurten berriz, armaginak nagusitu ziren lehen itzuliko norgehiagokan. Bestelakoa izango da larunbatekoa. Ezin dira eibartarrak erlaxatu, lehen minututik kontzentratuta egotea eskatzen duen neurketa da ez bairik gabe. Hori bai, gol gutxiko taldea da, ondo banatuta gainera. Ander Uranga, Haitz Gorostidi eta Iker Elola dira jokalaririk arriskutsuenak erasoan.

Gogoratu beharra dago Ipuruako gure taldeen neurketak zuzenean ikusgai egongo direla taldearen Youtube orrian. Hauek dira Eibar Eskubaloia taldeen asteburu honetako lehiak:

• • Senior  Juanjo Larrañaga Harategia Pulpo-Grupo Mecalbe Eibar            Lar 16:15 Lubaki kiroldegia, Zumaia
  • Senior  Hierros Servando Eibar B-Labarra Taberna Pulpo                         Lar 16:30 Ipurua
  • Jubenil Grupo Mecalbe Eibar-Ordizia P. Cerqueira                                     Lar 11:30 Ipurua
  • Jubenil Hierros Servando Eibar-Hierros Servando Eibar B                       Iga 11:30 Ipurua