AIRE PIXKAT HARTZEKO BI PUNTU

Bi puntu baino gehiago balio duen garaipena, Somos Eibarrek lorturikoa Zaragozako Dominicos taldearen pistan (25-27). Uretatik burua atera eta arnas pixkat hartzeko balio dizkion bi puntu dudarik gabe. Norgehiagoka gehienean nagusi izan ba ziren ere eibartarrak, joan zen astean bezala zapuztekotan egon ziren azkenengo bost minututan, hala ere amaiera ezinhobea eman zioten neurketari, oso beharrezkoa zen garaipena lortuz. Ander de Diego jokalaria izugarri aritu zen bisitarien partetik ia gol erdiak sartuz, 13 guztira. Sailkapenean aragoiarrak harrapatu eta 19 punturekin berdindurik dira biak, Egia azken aurreneko taldea lau puntura utziz. Garaipenak ematen duen indarra aprobetxatuz, Trapagarani irabaztera irten behar dira orain eibartarrak, baina hori datorren larunbatean izango da…

Gipuzkoa kopako finalerdietara

Gure infatilen asteburu zoragarria. Gipuzkoako txapekeltako finalerdietara sailkatzea lortu zuten bai Urkotronikek eta baita Grupo Mecalbek ere, Saieko La Salleri (13-21) eta Ereintza Aguaplasti (16-18) etxetik at irabazi ondoren hurrenez hurren. Ametsa taldeak ere garaipen itzela lortu zuen Leizaran Txuria garaituz neska guztien lanari esker (13-9); lider eta gaitezin jarraitzen dutenak Hierros Servandokoak dira, Saieko-La Salle Beltza taldearekin berdinduta (22-22); bi puntuak eskuratu zituzten Bengoa Elektrizitateko mutilak, Saieko-La Salle Horia norgehiagoka gogor batean menderatu eta gero (22-30).

Senior taldeen garaipen bikoitza. Mecalbek, arazo handi gabe Munttarpe garaitu zuen (22-26); mutilek aldiz, majo sufrituta, azken segunduan lortutako golari esker goiko postuetan jarraitzeko bi puntuak poltsikoratzea lortu zituzten Zarautzko Aritzbatalde Tabernaren kontra (26-25). Jubenilak ere garaile irten ziren asteburuan; Mecalbek Tolosa menderatzen zuen bitartean (25-20), Teknikerrek propio egiten zuen Bacalaos Santymar Hondarribia Bidasoaren kantxan (18-25). Mota guztietako emaitzak gure kadeteentzat: Muelles Zaldua, Bergara baino gehiago izan zen defentsa bikaina erakutsiaz (35-23); Komatek berdinketa lotzea lortu zuen joan etorriko neurketa batean (40-40);azkenik, Tekniker taldeak ezin izan zuen ezer egin Tolosaren kontra (25-30).