KRONIKA

Beste asteburu oparo bat Arrate Eibar Eskubaloia taldeentzat, goi-mailakoentzat bereziki. Urrea balio zuen garaipena lortu zuten gizonezkoek Zaragozan Sugraf Zaragozaren kantxan (25-32), neskek berriz garaipena balio duen berdinketa eskuratu zuten Omega Peripherals Basauriren pistan (26-26), ligako talderik onenaren kontra. “Puntu oso ona talde indartsu baten aurka eta 2. postuan segitzen dugu”, zioen kontent Andoni Perez entrenatzaileak. Orain arte ez du inork punturik atera bizkaitarren aurka, eibartarrak iritsi diren arte. Bi puntutako aldeak  jarraitzen du bi talde hauen artean, baina kontuz ibili behar dira Bera Berakoak irabazi eta hirugarren dira puntu batetara eta.

Ez zen neurketa erraza izan, hasiera txarrakin, 5-6 goleko aldea eskuratu zuten etxekoek lehenengo minutuetan. Hala ere, 5:1 defentsara aldatu eta armaginak hurbiltzen joan ziren markagailuan. 14-12 atsedenaldian. Oso ondo hasi zuten eibartarrek bigarren zatia, berdinketa lortuz, gainera. Hala eta guztiz, bazirudien ez zela nahikoa izango eta bizkaitarrak berriro jarri ziren aurretik. “Azkenengo minutuetan 3 gol aurretik jarri dira, baina defentsa ireki dugu, partidua berdinduz eta puntua etxera ekarriz”. Ez dira hor geratzen Andoniren hitz onak. “Goraipatzekoa talde guztiaren lana, nahiz eta markagailuan atzetik joan, besoak ez dutela jeitsi partidu osoan zehar”. Lan bikaina neskak.

Lehenago aipatu bezala, gizonezkoak ere bikain aritu ziren Sugraf Zaragozaren kontra, 35. puntua batu zuten eta lidertzan dira 6ko aldearekin. Hasierako iragarpenak bete ziren aurreneko 40. minutuetan. Norgehiagoka parekatua, eibartarrek zeramaten agintea, hori bai, alderik zabaldu gabe elektronikoan. Baina lehiako azken herenean, duten kalitatea agerian utzi eta garaipena alde nabarmenarekin lortu zuten gure mutilek. Asier Urain izan zen armaginik finena erasoan beste behin 8 golekin, momentu ederrean dagoela erakutsiz. Goraipatzekoa talde lana, guztira 10 armaginek gutxienez gol bat egin zuten eta. Datorren larunbatean Tolosak bisitatuko du Ipurua.

• Senior neskak Txingudi Zubieder 25-28 Arrate Eibar Eskubaloia  B Uranzu frontoia, Irun
• Senior mutilak Arrate Eibar Eskubaloia B 34-22 Escolapios A Ipurua
• Jubenil neskak Arrate Eibar Eskubaloia 23-20 Sinergia Orio Ipurua
• Jubenil mutilak Arrate Eibar Eskubaloia 26-32 Tolosa Ipurua
• Kadete neskak Arrate Eibar Eskubaloia 22-17Gelato Orio Universidad Laboral
• Kadete neskak Egia Eskubaloia17-23 Arrate Eibar Eskubaloia B Egiako kiroldegia, Donostia
• Kadete mutilak Hernani Sorlan 21-34 Arrate Eibar Eskubaloia B Hernaniko udal kiroldegia
• Infantil neskak Arrate Eibar Eskubaloia 13-14 Egia Eskubaloia Universidad Laboral
• Infantil neskak Arrate Eibar Eskubaloia B 33-25 Bideosoa Bidasoa Irun A Ipurua
• Infantil mutilak Zubacor Elgoibar 22-31Arrate Eibar Eskubaloia Olaizaga kiroldegia, Elgoibar
• Infantil mutilak Bideosoa Bidasoa Irun B 23-25 Arrate Eibar Eskubaloia B Uranzu frontoia, Irun
• Alebin mutilak Arrate Eibar Eskubaloia 9-9 Aloña Mendi Ipurua