23. JARDUNALDIA KRONIKA

Igoera fasean sartzeko puntuak batzen jarraitzen du Hierros Servando Eibar taldeak eta jomuga geroz eta hurbilago ikusten dute gure jokalariek Estudio Matmata Zaragoza Ademarren kantxan berdindu eta gero (31-31). Egia da igandean gehiago merezi izan zutela eibartarrek, jaun eta jabe izan zirela bigarren zatian, hala eta guztiz, ez zuten lehia behar zen unean itxi eta aragoitarrek berdinketa lortu zuten azken momentuan. “Neurketak borobiltzen ikasi behar dugu eta arerioari aukerarik ez uzten. Hala ere, oso zail geneukan partida aurrera atera genuen, arerioaren zailtasuna eta pasa dugun aste txarra ikusita poztekoa.  Gaixotasunek, lesioek eta lan kontuengatik izandako jokalari gabeziak min asko eman digu”.38 punturekin bigarren dira orain armaginak, lehen postua urrun duten arren, bigarrenari eusteko lan bikaina egiten  ari dira ez bairik gabe

Dena dela, etxekoak izan ziren nagusi lehengo 20 minutuetan, batez ere erasoan. Ate aurrean fin aritu ziren espainiarrak kontraeraso bortitzak sortuz eta markagailuan aldeak zabalduz. Hala ere, atzetik bazoazen ere eibartarrek ez zioten neurketari aurpegia galdu eta zertxobait suspertu eta gero markagailua iraultzea lortu zuten atsedenaldira hiru goleko diferentziarekin iritsiz. “Sentimendu gazi-gozoarekin bueltatzen gara, bagenekigun lehia gogorra izango zela, gainera, hasieratik aldapa gora jarri zitzaigun defentsako balantze eskasa eta gero. Hala eta guztiz, markagailua irauli eta bost goleko errenta eduki eta gero dena gaizki irten zitzaigun azken partean, galtzeko arriskua ere hurbiletik ikusiz”. 4 minuturen faltan Axier Gisasolaren golak hiru goleko aldea eman zion eibartarrei, baina etxekoak finago aritu ziren azken momentuetan, akats gutxiago egin zituzten eta berdinketa lortu arte borrokatu zuten.

Mikel Zuloaga berriz bueltan dela argi geratu zen, norgehiagokako goleatzaileri onena bihurtu baitzen 10ekin. Lander Casado 7rekin eta Jon Barruetabeña 6rekin ederki lagundu zuten Mikel. Datorren asteburuan ez da liga jardunaldirik egongo aste santua dela eta.

• Senior Grupo Mecalbe Eibar 26-13 Juanjo Larrañaga Harategia Pulpo    6.j        Ipurua
• Senior Labarra Taberna Pulpo 26-29 Hierros Servando Eibar B               10.j      Lubaki kiroldegia, Zumaia
• Jubenil Hierros Servando Eibar 30-10 Consulting Alaves                            3.j        Ipurua
• Kadete GrupoMecalbe Eibar 19-27 Cartonajes Arregi Aloña Mendi          10.j      Ipurua
• Kadete Astigarraga Gys Sport Elgoibar 17-9 Grupo Mecalbe Eibar B         5.j       IMH kiroldegia, Elgoibar
• Kadete Hierros Servando Eibar 27-25 Amenabar C                                        5.j        Ipurua
• Kadete Hierros Servando Eibar B 32-36 Donibane                                         5.j        Ipurua