Armaginen garaipena Tarazonan eta emakumezkoen porrota liderren aurrean.

Emakumezkoen taldeak SCHAR Colores Zaragoza taldearen aurka jokatu zuen Elgoibarko IMHn. Azken orduko aldaketa horrek, Ipuruako kiroldegian izandako matxura baten ondorioz, taldea agertoki sinboliko batera eraman zuen, non, duela bi urte, lehen garaipena lortu zuten kategoria honetan.

Partida erritmo onean hasi zen, nahiz eta lehen minutuan eibartarrek kanporaketa bat euki, kudeatzen jakin zuten. Hala ere, Scharrek erakutsi zuen zergatik den sailkapeneko liderra defentsa oso sendo batekin eta etxekoak gainditu zituen eraso sendo batekin, atsedenaldian sei goleko aldea ezarriz.

Bigarren zatian, Eibar erasoko estrategia aldatzen saiatu zen, atezainik gabe jokatuz jaurtiketa aukera hobeak aurkitzeko. Taktika honek hobekuntzaren bat eskaini bazuen ere, markagailuko aldea mantendu egin zen. Zaragozarrek garaipen argia lortu zuten 17-28.

Orain, eibartarrek Loyolaren aurkako hurrengo partidan jartzen dute arreta, lehen itzulia ahalik eta ondoen ixteko helburuarekin.

Gizonezkoen taldeak garaipen sendoa lortu zuen Tarazonaren aurka, nahiz eta Gari, Axier, Egoitz eta Ruben bezalako jokalari garrantzitsuen baja ugariak izan.

Defentsako intentsitateak eta kontraeraso azkarrek zortzi minututan 8 goleko abantaila hartzeko aukera eman zieten eibartarrei. Tarazonak erreakzionatu eta bisitarien eraso azkar batzuk aprobetxatu zituen arren, aldea lau golera murriztuz atsedenaldian, Eibarrek kontrola mantendu zuen.

Bigarren zatian, partida parekatuagoa izan zen, baina azken minutuetan, armaginek euren sendotasun fisiko eta taktikoa erakutsi zuten abantaila handitzeko eta 28-36ko emaitzarekin ixteko.

Bernart, bigarren zati osoa jokatu zuen B mailako senior taldeko kidea, eta Unai Valenciano jubenila, partiduan minutuak izan zituena, nabarmendu zituen.