25.jardunaldiaren atarikoa

Lehengo bi sailkatuak aurrez aurre larunbatean Iruñean. Hierros Servando Eibar taldeak Anaitasuna pabilioia bisitatuko du Helvetia Anaitasuna liderraren aurka aritzeko arratsaldeko 16:30etan. Aurtengo liga txapelketako bi talderik onenak elkartuko dira nafarroakohiriburuan, etxekoak lehen postuan dira 40 punturekin, armaginak berriz, bigarrenean 38rekin. “Asteburu honetan irabazita lehendabizi egongo giñakeAnaitasunaren aurretik neurketa atzeraturik gabe”, dio Fernandok. Gainera, goleatzaile onenak dira bi taldeak, beraz, lehia izugarria espero da.Gipuzkoarrek badakite  oso liga amaiera zaila dutela, erronka zinez gogorrak, lehena larunbatean. “Erronka izugarria datorkigu hurrengo jardunaldietan, igoera fasean sartzeko lehian daudenen aurka, hain zuzen ere”.Geratzen zaizkien 6 neurketetan lehena, hirugarrena, laugarrena eta seigarren sailkatuen aurka jolastea geratzen zaie, besteak beste. Hala ere, eibartarrak ez dira beldur.

Lehen arri koxkorra larunbatean aurkituko dute, liderra eta lidergoan bukatzeko hautagaia, HelvetiaAnaitasuna. Covid gaixotasuna dela eta ez dela, baja ugari izan dituzte denboraldiaren zehar, baita atzeratutako partida asko ere, baina arazoak arazo nafarrek ederki gainditu dituzte oztopo guztiak eta lehen postuan dira.Hala eta guztiz, Fernandoren mutilak ez dira kikilduko, beraiek ere urte paregabea daramate eta. “Neurketa oso zaila urteko talderik onenaren aurka, hala ere ilusioz beterik goaz”, dio entrenatzaile armaginak. Bestalde, kontuan hartu behar da atzeratutako lehen itzuliko norgehiagoka Ipuruan armaginek maisuki irabazi zutela. Nolanahi ere, ez da batere erraza izango puntuak nafarrei beste behin lapurtzea; Aitor Albizu, Nicolas Ayucar edo Josu Arzoz jokalari erasokorrak dira eta eibartarrak fin aritu beharko dira defentsan.

Gogoratu Ipuruako neurketak Eibar Eskubaloiaren Youtube orrian ikusgai izango dituzuela. Gure taldeen asteburuko partidak:

Senior Bera Bera-Grupo Mecalbe Eibar​Lagunartekoa​LAR 12:30​Bidebietakiroldegia, Donosti

Senior Grupo Mecalbe Eibar-Errotabarri Lagunartekoa​IGA 10:00​Ipurua

Senior Saieko KE-Hierros Servando EibarB​4.j​IGA 11:30​La Salle kiroldegia, Donosti

Jubenil Grupo Mecalbe Eibar-Ereintza Aguaplast   2. faseko  1.j​IGA 11:45​Ipurua

Kadete Hierros Servando Eibar-OrdiziaEskubaloia​7.j​LAR 11:45​Ipurua

Kadete Hierros Servando Eibar B-Amenabar B KE​7.j​LAR 10:00​Ipurua