KONFIANTZA BERRESKURATZEA HELBURU

Somos Eibarrek etxetik kanpo arituko du bigarren asteburuz jarraian. Iazko txapeldunaren kantxan jolastuko dute armaginek, Tolosan hain zuzen ere. Partida larunbatean arratasaldeko 6:30tan izango da Usabal kiroldegian. Tolosaldekoek ez dute ondo hasi txapelketa eta neurketa bakarra irabaziz. Iazko arraskata lortu zuten jokalari garrantzitsuenak talde handi bategatik fitxatu eta taldea ahulago geratu da. Hori bai, Ander Uranga edo Haitz Gorostidi taldean dira oraindik. Lehenak 20 gol daramatza, bigarrenak 17.

Eibartarrak aldiz, ezingo dute Xabi Azkonizaga kantxaratu, zuntz hausturaren errekuperazioaren azken zatian bait da, laster espero du prest egotea. Horretaz gain, Aner Cardok ezin izan du asteko entrenamenduetan parte hartu eta duda izango da azken momenturarte. Oraingo egoerari buelta ematea espero du Fernandok, entrenatzaile armaginak: “Konfiantza, animoa eta berriz lehiakorrak izateko aukera ezinhobea dugu larunbatean”. Kontuan hartu beharra dago, joan zen urteko nogehiagokan tolosarra irten zirela garaile.

Talde txikiak bueltan dira

Pasadan asteko geldialdiaren astean, talde eibartarrak bueltan dira berriz beraien txapelketetan. Lehen jardunaldian lortu zuten garaipen handien ostean, bi talde seniorrak bigarren partidari ekiteko prest dira. Grupo Mecalbek, donostira joango da larunbatean Egia taldearen aurka jolasteko, Egiako kiroldegian arratsaldeko 6:15etan. Gizonezkoak aldiz Soraluce Bergara jasoko dute Unibertsitate Laboralean, larunbatean ere, 4:15etan. Lehen taldeak bezala, jubenilak ere beraien laugarren jardunaldi dute. Grupo Mecalbek hasiera onari jarraipena eman nahi dio Urnieta Indauxen aurka larunbatean goizeko 11etan Unibertsitate Laboralean. Tekniker Eibar aldiz  bi aste daramatza deskantsatzen eta mutilek ez dute aktibitate falta hori jasan nahi. Ereintza Beissier edukiko dute arerio eta lehia igandean izango da goizeko 10etan Ipuruako kiroldegian.

A kadeteak ere beraien laugarren jardunaldia jolastuko dute. Grupo Mecalbe Eibarrek, Edu Optika Pulpo jasoko du Ipuruan igandeko 11:30etan. Tekniker Eibarrek aldiz autobusa hartu beharko dute,nahiz eta bidaia ez den oso luzea. Karakate Jatetxea Elgoibar izango da eibartarren arerio Olaizagako kiroldegian, nesken egun eta ordu berdinean. Bigarren jardunaldia izango da B kadeteentzat. Neskek Donostira joan beharko diren bitartean, Paco Yoldi kiroldegira Egia taldearen aurka jokatzeko igandean goizeko 12etan, mutilek Bergara jasoko dute Unibertsitate Laboralean larunbatean arratsaldeko 6etan.

Infantileko bost taldeetatik lauk etxetik kanpo jolastuko dute beraien partidak.    Mutilen bigarren taldea, Bengoa Elektrizitatea bakarrik arituko da Unibertsitate Laboralean. Ligako lehen partida izango du larunbatean goizeko 9:45etan Ereintzaren aurka. Lehen taldeak, Hierros Servando Eibar, Osurbilgo Oiardo kiroldegian arituko da goizeko 11etan. Udarregi Usurbil izango du aurrean talde eibartarrak. Igandean jolastuko duen infantil talde bakarra nesken hirugarrena izango da. Ametsa Eibarrek ligako lehen partida du Zumarragako Ispilla kiroldegian goizeko 10etan Urola Construcciones Antio arerio duelarik. Nesken beste bi taldeak Bacalaos Alcorta Elgoibar izango dute arerio goizeko 11:30etan lehen taldeak eta bigarrenak Astigarragako kiroldegian Mundarroren aurka 10etan.