IGANDEAN DENOK IPURUARA

Somos Eibar Urduliz Eskubaloi taldea izango du aurkari datorren igandean arratsaldeko 5etan Ipuruako kiroldegian. Seigarren jardunaldiari dagokion neurketa, hirugarrena etxean armaginentzat. Liga ez zuten  ondo hasi Fernando Fernandezen mutilak baina Tolosaren aurkako partidan, lehiakortasun puntua berreskuratu zuten, beraien buruengan konfiantza hartzen. Orain, eskubaloi zaletu guztien laguntza behar du taldeak igandean irabazteko.

Errenkadan bi garaipen lortu eta gero, bizkaitarrak Beti Onak taldearekin galdu zuten pasa den asteburuan. Urduliztarrak maiatzean lortu zuten Luancon lehen mailara igotzea 13 urte ondoren.Sarrera ona espero da Ipuruako kiroldegian, taldea garaipeneraino eramateko oinarrizkoa da jendearen presentzia. Gainera, eibartarrek joan zen asteko Azkonizagaren itzulera balio nahi dute animoa berpizten saiatzeko eta lehen jardunaldiko indarra berriz erakusteko, etxean indartsu bilakatuz.

Bi punturen aldea besterik ez dago bi taldeen artean eta norgehiagokak hobetze hori baiezteko balio behar du; eibartarrak  garatzen lagunduko dien garaipenaren bila aterako dira kantxara. Eta horretarako ezinbestekoa da joango diren guztien txalo eta animoak, igandean aurkaria menderatzeko balioko duten oihu eta orro.

Seniorrak ere igandean jokatuko dute beraien partidak, lehen taldea bezala, eta biak etxetik kanpo arituko dira.Grupo Mecalbe Eibar taldea Urnietaraino joan beharko da Urnieta Quel Abogados aurka jolasteko goizeko 12etan herriko kiroldegian. Gizonezkoak aldiz  Tolosan izango dute hitzarmena Usabal kiroldegian 11:30etan. Jubenilak ere etxetik at ibiliko dira. Grupo Mecalbe Eibarko neskek Astigarragako kiroldegia bisitatuko dute larunbatean arratsaldeko 6etan Mundarro taldearen kontra aritzeko. Tekniker Eibarrek Egia Baztarre Taberna izango du aurkari Egiako kiroldeagian bertan 4:15etan.

Kadeteetan nesken lehn taldeak, Grupo Mecalbe Eibarrek Errenteriarainoko autobusa hartu beharko du larunbatean Ereintza Beissierrekin lehiatzeko Beraungo frontoian arratsaldeko 5:30etan. Bigarren taldeak, Muelles Zalduakek, Ereintza Todo Terreno jasoko du larunbatean 4etanUnibertsitate Laboralean.         Mutiletan ere, Tekniker Eibar taldeak Ereintza Todo Terreno jasoko du unibertsitatean ere 5etan. Komat Eibar aldiz Pasaian arituko da Donibanekin aurrez aurre aritzeko igandean goizeko 10etan.

Talde infantilak larunbatean izango dute hitzarmena. Hierros Servando Eibarrek Bideosoa Bidasoa Irún jasoko du Unibertsitatean goizeko 11:15etan; Bengoa Elektrizitatea Eibar Hernanira joango da Hernani Goiz Argiren kontra aritzeko ordu 1etan. Nesketan aldiz, Urkotronik Eibarri deskantsatzea tokatzen zaion bitartean, Grupo Mecalbe Eibar taldeak Aiala B jasoko du 12:30etan unibertsitatean eta Ametsa Eibarrek ere berdina egingo du La Salle Legazpirekin goizeko 10etan. Kontuan hartzekoa da alebin bi taldeak asteburu hontan estreinekoz arituko direla, biak El Tio Palancasen babesean. Neskak, Zumaian jolastuko dute Pulpo Bren aurka igandean goizeko 9:45etan eta mutilak Egian igandean 11etan.