ZAILTASUNEZ BETERIKO ERRONKA KLABEA

Beste final bat Somos Eibar taldearentzat. Ez dute batere erraza edukiko oraingoan ligako bigarren sailkatua bait dute aurkari, Uharte larunbatean arratsaldeko 6:30etan Ipuruako kiroldegian. Eibartarrak baino puntu bikoitza dute, 34 eta olatu aparrean iristen dira asteburuko neurketara; azkeneko 10 norgehiagokatik bakarra galdu dute sendotasun itzela erakutsiz, gainera 500 gol jaso ez duen talde bakarra da oraindik Uhartearra. Aurkari gogorra dudarik gabe Fernandoren mutilentzat: “Defentsan oso talde sendoa da Uharte, erasoan aberastasun handikoa”, azaldu du armaginen entrenatzaileak.

Aurpegia eman zuten eibartarrak lehen itzulian Uharten, baina ezin izan zuten punturik atera hiru goleko aldeaz galdu eta gero. Bi taldeen goleatzaile nagusiak aurrez aurre izango ditugu, Mikel Zuloaga etxekoen partez eta Mikel Etxeberria kanpokoen alde, 113 eta 118 gol batzen dituzte biek hurrenez hurren. Eibartarrek ezin dute huts egite asko gehiagorik egin eta geratzen diren bederatzi neurketak oso garrantzitsuak dira, etxekoak batez ere, arerioen mailan arretarik jarri gabe: “Bederatzi partida oso klabe geratzen zaizkigu eta ezin dugu ezer alferrik galdu, edonor delarik aurkaria”, azpimarratzen du Fernandok.

Grupo Mecalbeko seniorra berriz kantxaratzen da ostiral honetan Ipuruako kiroldegian. Arerioa Oskarbi Optika Legazpi izango dute eta partida arratsaldeko 8:30etan jokatuko da. 17. jardunaldia gizonentzat. Neskek ez bezala, etxetik at arituko dira, Laubide Jatetxea Legazpiren kontra hain zuzen ere,  larunbatean arratsaldeko 7etan Bikuña kiroldegian. Talde jubenilek Udaberriko txapekeltari dagokion hirugarren jardunaldia izango dute igandean: Mecalbek, Astigarragako  Mundarro bisitatuko duen bitartean, goizeko 11etan udal kiroldegian, Teknikerrek, Beristain Banaketak Elgoibar jasoko du 11:45etan Ipuruan.

Kadeteetan, gure talde guztiek autobusa hartzekotan dira kanpoan aritzeko: Mecalbe Barakaldora, Zuazo Aren aurka jolasteko igandean goizeko 12:30etan Lasesarre kiroldegian; Muelles Zaldua Urnietara, Urnieta Iñaki Mecanizadosekin indarrak neurtzeko larunbatean 11etan herriko kiroldegian; Tekniker Zumaiara, Zalla Taberna Pulpo aurkari izango dutela larunbatean 5:45etan Lubaki kiroldegian; eta azkenik Komat Donostira jutekotan dira Egia 2 taldeari bisita egiteko igandean goizeko 11etan Paco Yoldi kiroldegian.

Bueltan dira asteburu honetan geldialdiaren ondoren infantilak ere: Urkotronikek,Aloña Mendi bisitatuko du igandean goizeko 12etan Oñatiko Zubikoa kiroldegian; Mecalbek, Cimde Elgoibar jasoko du Ipuruan  igandean goizeko 10etan; Ametsa taldeak ere Eibarko kiroldegian jokatuko du larunbatean goizeko 10:30etan Gelato Orio aurkari duela; Hierros Servando ere errepidera irten beharko da Zumaiara bidaiatzeko Inmobiliaria Azkue Pulporekin aritzeko igandean goizeko 11etan Lubaki kiroldegian; Bengoa Elektrizitateak, Exola Construccionesen bisita jasoko du larunbatean 11etan Ipuruan. Alebinetan azkenik, El Tio Palancas taldeek, bai neskak eta bai mutilak etxean jolastuko dute igande goizean Laboral Unibertsitateko gimnasioan, Urolaren aurka 10:30ertan eta Zarautz Aren kontra 11:30etan hurrenez hurren.