23. JARDUNALDIA

23. jardunaldia Hierros Servando Eibar taldearentzat Estudio Matmata Zaragoza Ademar taldearen aurka. Norgehiagoka Siglo XXI deituriko udal kiroldegiaren B pistan jokatuko da, igandean goizeko 12:15etan. 10. Garaipena jarraian lortzera kantxaratuko dira eibartarrak, bizi duten bolada onari jarraipena ematera, hain zuzen ere. Lehen bi postuak dituzte jomugan eta dena emateko asmotan dira armaginak liga amaiera arte. Aragoitarrak, aldiz, jokatu dituzten azken lau partidetatik 3 galdu dituzte, erdi partetik behera dira sailkapenean 20 punturekin, baina taulak erakusten duena baino kalitate gehiago duen taldea da “Neurketa oso garrantzitsua Ademar Zaragozaren aurka, maila handiko taldea da eta sailkapenari begira, orain erabilgarri dituzten jokalariak urte osoan edukita goialdean egongo lirateke”, dio armaginen entrenatzaile den Fernandok, beraz, eibartarrak ezin dira fio”,

Gipuzkoarrak izan ziren nagusi lehen itzuliko lehian. Arazo handirik gabe gailendu ziren eibartarrak Ipuruan. Hala eta guztiz, datorren asteburuko norgehiagoka estuagoa izango dela espero da. Enrique Camas da talde espainiarraren goleatzailerik nagusiena, neurketako batez beste ia bostekin. Erasoan oso talde fina ez den arren, gogor eutsi behar diote defentsari eibartarrek eta orain arte erakutsi duten maila mantendu, bai atzean eta baita aurrean ere. “Erronka handia da guretzat neurketa aurrera ateratzea, irabazita lehen bi postuetan sailkatzeko aukera asko izango genituzke”. Jon Uriarte eta Andoni Yarza baja izango dira igandean, hori dela eta, Markel Valenciano eta Jokin Aja jokalari jubenilek deialdian sartzeko aukera asko dituzte.

• Senior Grupo Mecalbe Eibar-Juanjo Larrañaga Harategia Pulpo            6.j IGA 11:45 Ipurua
• Senior Labarra Taberna Pulpo-Hierros Servando Eibar B                      10.j LAR 16:15 Lubaki kiroldegia, Zumaia
• Jubenil Hierros Servando Eibar-Consulting Alaves                    3.j        LAR 11:45 Ipurua
• Kadete GrupoMecalbe Eibar-Cartonajes Arregi Aloña Mendi    10.j      LAR 16:45 Ipurua
• Kadete Astigarraga Gys Sport Elgoibar-Grupo Mecalbe Eibar B 5.j       LAR 12:00 IMH kiroldegia, Elgoibar
• Kadete Hierros Servando Eibar-Amenabar C                            5.j        IGA 10:00 Ipurua
• Kadete Hierros Servando Eibar B-Donibane                             5.j        LAR 10:00 Ipurua