22. JARDUNALDIA AURREKOA

OLATU APARRETAN JARRAITZERA

Bolada onari jarraipena ematera kantxaratuko da Hierros Servando Eibar taldea larunbatean Ipuruako kiroldegian. Aurkaria Dominicos Zaragoza izango da eta lehia arratsaldeko 18:30tan jokatuko da. Bederatzigarren garaipena jarraian lortzea nahi dute Fernandoren mutilak, eta bide batez liderrari presio pixka bat sartu. “Azkenaldian erakutsitako maila mantentzea dugu helburu. Baina argi edukita jardunaldi asko daramatzagula emaitz positiboekin, baita garaipen landuak direla ere, etxean batez ere”, dio eibartarren entrenatzaileak neurketaren atarian. Puntu bakarrera dute lehen postua, hau da, garaipen batera eta konfiantzaz gainezka iristen dira armaginak. Aragoiarrak, aldiz, ez daude beraien momenturik onenean, azkeneko hiru partidak galdu eta gero hamahirugarren dira sailkapenean 16 punturekin.

Bien arteko azken urteetako norgehiagoketan ere eibartarrak izan dira nagusi, bost lehia irabaziz eta bat berdinduz. Espainiarrek 2017-2018 denboraldian lortu zuten eibartarren aurka azken garaipena. Hala eta guztiz, ez da erronka erraza izango etxekoentzat. Miguel Angel Perez dute goleatzailerik onena, baina Cristi Ionut edo Felix Ubeda jokalariei ere arreta berezia jarri beharko die defentsa armaginak. “Liga asko geratzen da oraindik eta puntuak batzen jarraitu behar dugu muga non daukagun jakin arte”.

Gogoratu beharra dago gure taldeen etxeko partidak Youtubeko Eibar Eskubaloiaren kanalean zuzenean ikusgai izango dituzuela. Hauek dira gure taldeen beste neurketak:

Senior   Ordizia Biok2-Grupo Mecalbe Eibar       5.j          IGA 12:00 Majori kiroldegia, Ordizia

Senior   Hierros Servando Eibar B-Saieko KE       9.j           LAR 16:30 Ipurua kiroldegia

Jubenil Hierros Servando Eibar-Deca Elgoibar   3.j          OST 11.30 Ipurua kiroldegia

Jubenil Deca Elgoibar-Hierros Servando Eibar B               6.j          IGA 10:00 Olaizaga kiroldegia, Elgoibar

Jubenil Amenabar-Hierros Servando Eibar         9.j           LAR 10:00 Zarautzko udal kiroldegia

Kadete Grupo Mecalbe Eibar-Salento Gelati Elgoibar 4.j OST 9:45 Ipurua kiroldegia

Kadete Salento Gelati Elgoibar-Grupo Mecalbe Eibar  9.j IGA 12:00 Olaizaga kiroldegia, Elgoibar

Kadete Grupo Mecalbe Eibar B-Tecnifuelle Elgoibar    4.j LAR 9:45 Ipurua kiroldegia

Kadete Amenabar B-Hierros Servando Eibar      4.j          IGA 10:00 Antoniano kiroldegia, Zarautz

Kadete Hierros Servando Eibar-Bidasoa Irun      4.j           LAR 11:30 Ipurua kiroldegia