PREVIA FASE DE ASCENSO

Beste bi hitz ordu garrantzitsu Eibar Eskubaloi taldeentzat. Alde batetik, Grupo Mecalbe Eibarreko kadeteak Espainiako txapelketari dagokion bigarren fasea jokatuko du Terrassan. Etxeko Handbol Terrassa-Llegums Paquita ostiralean (19:30), Malkaitz A larunbatean (16:30) eta CB Morvedre igandean (10:15) izango dira gure nesken arerio katalunian. Azken faserako txartela ematen duen lehen postuaren bila kantxaratuko dira eibartarrak, galtzeko ezer  ez dutela jakitun direlarik. Irune de Castro, entrenatzaile armaginak argi du zein den helburua: “Denboraldi osoan zehar egin dugun lan guztiaren oparia da eta gozatzeko asteburua izan behar da, hala ere, ahalik eta paperik onena egitera joango gara, lehenengo partidua garrantzitsuena izango dela kontuan izanda”.

Eta bestetik, Hierros Servando Eibarren lehen taldea daukagu, denboraldi paregabeari ginga jarri nahian Kanariar irletara bidaiatuko du asteburuan, Zilarrezko Ohorezko mailarako igoeraren bila. Ez da lan makala izango aurreneko postuan bukatzea fasea, hala eta guztiz, eibartarren arerioetako inork ez du gure mutilak baino garaipen gehiago lortu liga erregularrean. Beraz, lehia estuak eta borrokatuak espero dira asteburuan. Baina armaginak balentria egiteko prest hartuko dute hegazkina.

Ostiralean, Euskal Herriko 21:30etan, etxeko Gourmet Ampate Lanzarote izango dute etsai Fernandoren mutilek. Larunbatean, arratsaldeko hemengo 18:30etan Soriaren aurka neurtu beharko dituzte indarrak. Eta igandean, bukatzeko, hemengo 11etan jokatuko dute hirugarren eta azken jardunaldia Agustinos Alicanteren kontra. Ilusioaren zakua beteta dutelarik doaz eibartarrak eta denboraldian zehar erakutsi duten maila pistaratzen lortzen badute lehen postuan bukatu dezakete. Gertatzen dena gertatzenn dela ere, ezin diegu ezer leporatu, sekulako denboraldia egiten ari dira eta lortu dute jada liga txapelketa eskuratzea. Baina talde honek ez du mugarik eta hazten jarraitzen du.

Behealdean dituzue, neurketa bakoitza streaming bidez Youtuben zuzenean jarraitzeko estekak eta ordutegiak:

Ostirala 21:30   Gourmet Ampate Lanzarote-Hierros Servando Eibar Eskubaloia

Larunbata 18:30           Hierros Servando Eibar Eskubaloia-Club Balonmano Soria

Igandea 11:00  Agustinos Alicante- Hierros Servando Eibar Eskubaloia

Senior Gourmet Ampate Lanzarote-Hierros Servando Eibar       1.j        OST 20:30*      Titerroy udal pabilioia, Arrecife

Senior Hierros Servando Eibar-Club Balonmano Soria                2.j        LAR 17:30*       Titerroy udal pabilioia, Arrecife

Senior Agustinos Alicante-Hierros Servando Eibar                     3.j        IGA 10:00*       Titerroy udal pabilioia

*Kanarietako orduan

Kadete Handbol Terrassa Llegums Paquita-Grupo Mecalbe       1.j        OST 19:30        Pavelló Can Jofresa, Terrassa

Kadete Malkaitz A-Grupo Mecalbe Eibar                                   2.j        LAR 16:30         Pavelló Can Jofresa, Terrassa

Kadete Grupo Mecalbe Eibar-CB Morvedre A                           3.j        IGA 10:15         Pavelló

Can Jofresa, Terrassa

Kadete Donibane Eskubaloia-Hierros Servando Eibar B              2.j        LAR 11:00         Pasaiako udal kiroldegia