22.4.09

Denak kiroldegira. Gizonezkoen Arrate Eibar Eskubaloiak lehen postua ziurtatu dezake larunbatean 18:30etan, bigarrena den Helvetia Anaitasunaren kontra. Egia da ere, matematikoki oraindik ez legokeela eginda, hala ere, oso hurbil geratuko litzateke talde eibartarra.48 punturekin, 5 ateratzen dizkio 5 jardunaldiren faltan. Liga txapelketako bi talderik onenak aurrez aurre izango dira asteburuan eta lehia itzela espero da. Gainera, lehiaketako goleatzailerik nagusienak dira bi talde hauek. Hori dela eta, zuen laguntza eskatzen dute armaginek. Zaletuen bultzadarekin helburua lor dezaketelakoan dira gure jokalariak. Gogoratu lehen itzulian eibartarrak gailendu  zirela hiru goleko aldearekin, beraz arrakasta errepikatzera kantxaratuko dira gipuzkoarrak.

Emakumezkoen Arrate Eibar Eskubaloiak garaipen izugarria lortu zuen Bizkaian. 18-25 menderatu zuten Urdaibai Bilboats eta azken faserako birtualki sailkatuta dira gure neskak, Bera Berakoei bi partida geratu eta lau puntura dira, gainera liderraren aurkakoa. Hau egina dago. Goi mailako bi taldeak azken faserako sailkapena lortzea itzelezko arrakasta da eta ginga jartzea falta zaie gure bi taldeei. Hala eta guztiz, liga ahalik eta hobekien bukatzea izango dute helbururik gertuen oraindik. Gero gerokoak. Gogoratu ere gure klubaren Youtube kanal ofizialean zuzenean izango duzuela Ipuruako neurketa kiroldegira igo ezin duzutenontzat.