Maiatzak 6

Etxetik at jokatuko duen denboraldiko azken neurketa gizonezkoen Mecalbe Eibar Eskubaloiarentzat. Nafarroko lurretan arituko dira armaginak larunbatean arratsaldeko 19etan, Uharteko Ugarrandia kiroldegian, hain zuzen ere. Seigarren postuan dira etxekoak 33 punturekin, eibartarrak baino 4 gutxiagorekin. Txapelketa guztian gol gutxien jaso duenetariko bat da gainera talde nafarra, beraz, ez da lan erreza izango bi puntuak eskuratzea gure mutilentzat. Laugarren lekuari eustea du helburu talde armaginak, horretarako Uharten irabazi beharra dago. Nagusi izan ziren gipuzkoarrak Ipuruan jokatutako lehian lehen itzulian bi goleko aldeari esker. Oier Lezaun eta Pablo Gutierrez dira jokalaririk arriskutsuenak erasoan etxekoen aldetik.