URTARRILAK 15

Ligako eginkizunetara itzuliko dira gizonezkoen Arrate Eibar Eskubaloiko bi talde gorenak hurrengo asteburuan. Emakumezkoen lehen taldeak, aldiz, atseden hartuko du eta bigarren fasea prestatzeko baliatuko ditu egun libre hauek, nahiz eta oraindik bi jardunaldi falta zaien lehen ligaxka bukatzeko. Nesken bigarren taldea, berriz, Oskarbi optika Legazpiri egingo dio bisita igandean goizeko 12:15etan, Legazpiko Bikuña kiroldegian jokatuko den norgehiagokan. Zazpigarren dira eibartarrak 10 punturekin eta lehen itzulia bukatzeko lau neurketa faltan.

Aurrez aipatu bezala, bueltan dira gure mutilak eta gabonetako geldialdia eta gero prest dira denboraldiko bigarren zatiari ekiteko. Filiala etxetik kanpo arituko den bitartean Urdaibai Isabelen kontra, larunbatean arratsaldeko 20:00etan Mundakako Isla Kale kiroldegian, lehen taldeak Ereintza Aguaplast jasoko du Ipuruan larunbatean 18:30etan 14. Jardunaldiari dagokion neurketan.

Gogoratu beharra dago ligako liderrak direla armaginak 25 punturekin, 6 ateratzen dizkiola bigarrena den Helvetia Anaitasunari eta 7 Il Capo Hondarribia Bidasoa eta Sugraf Zaragoza taldeei. Oraindik itzuli bat baino gehiago geratzen den arren, bide onean dira gure mutilak. Errenteriarrak, aldiz zazpigarren postuan dira 14 punturekin. Ibilbide ona zeramatzaten gipuzkoarrek hasierako jardunaldietan, baina azken bi porrotek zertxobait eten dute beraien ratxa. Hori bai, multzoko goleatzailerik onena daukate Errenteriarrek taldean, Ander Arruti hain zuzen ere, guztira 92 golen egile, gertutik zaindu beharko duten jokalaria, ez bairik gabe.

Ipuruan jokatuko dituzten gure taldeen neurketa guztiak zuzenean ikusgai egongo dira Arrate Eibar Eskubaloiaren Youtube kanalean. Hauek dira gure beste taldeen asteburuko partidak:

• Jubenil neskak                    Arrate Eibar Eskubaloia-Caravanas Oñate Aloña Mendi                                   OSTE 19:30 Ipurua
• Jubenil neskak                    Arrate Eibar Eskubaloia-Usurbil                                                     IGA 11:45             Ipurua
• Jubenil mutilak Arrate Eibar Eskubaloia-Gran Camping Zarautz                  LAR 17:30            Ipurua
• Kadete neskak                    Arrate Eibar Eskubaloia-Ereintza Aguaplast         IGA 10:00             Ipurua
• Kadete neskak  Sukia Orio-Arrate Eibar Eskubaloia B                        IGA 11:15             Karela kiroldegia, Orio
• Kadete mutilak                  Arrate Eibar Eskubaloia-Gran Camping Zarautz                   LAR 16:00             Universidad Laboral
• Kadete mutilak                  Arrate Eibar Eskubaloia B-Hiru Thermik lehioak Aloña Mendi     LAR 10:00 Ipurua
• Kadete mutilak Caribe Berri Legazpi-Arrate Eibar Eskubaloia B                   IGA 10:45              Bikuña kiroldegia, Legazpi
• Infantil neskak                    Arrate Eibar Eskubaloia-Arrate Eibar Eskubaloia B LAR 11:30      Ipurua
• Infantil mutilak Udarregi Usurbil-Arrate Eibar Eskubaloia             LAR 10:00             Oiardo kiroldegia, Usurbil
• Infantil mutilak                  Aloña Mendi B-Arrate Eibar Eskubaloia B              LAR 12:15             Zubikoa kiroldegia, Oñate
• Alebin mutilak Pulpo-Arrate Eibar Eskubaloia                                       IGA 10:00              Lubaki kiroldegia
• Beterano mutilak Arrate Eibar Eskubaloia-Deusto                             LAR 16:30             Ipurua