BESTE FINAL BAT

Larunbatean 18:15etan du hitzordua Somos Eibar taldeak 23. jardunaldiko partidan, arerioa Zaragozako Dominicos izango eta lekua La Salle-Gran Via kiroldegian. Hamargarren dira etxekoak eibartarrak baino bi puntu gehiagorekin,  ligan gol gutxien jaso duenetariko bat da talde aragoiarra. Ez dira ratxa onean iristen bi talde hauek, espainiarrak garaipen bakarra lortu bait dute azkenengo zortzi partidatan eta euskaldunak bakarra azken bostetan.

Gogoratu beharra dago armaginak, bi golen aldeagatik soilik irten zirela garaile lehen itzuliko norgehiagokan. Asteburukoa bide beretik jarraituko duela espero da, oso berdindua. Aurkrien izen batzuk aipatzekotan, Raul Blasco, Javier Cintas edo Jorge Garzo izango lirateke deigarrienak baina talde sendoa eta konpaktua da, inor besteen gainetik destakatzen denekoa.

Jada igoera faserako sailkatuta dagoen Grupo Mecalbe taldeak, Lezora bidaiatu beharko du Munttarperen aurka aritzeko larunbatean arratsaldeko 4:30etan Bekoerrota kiroldegian. Gizonezkoek aldiz, Zarautzko Aritzbatalde Taberna jasoko dute Ipuruako kiroldegian larunbatean 4:45etan. Udaberri txapelketako laugarren jardunaldia larunbatean  gure jubenilentzat: Mecalbek Ipuruan goizeko 10:30etan Tolosa jasoko duen bitartean, Teknikerrek, Bacalaos Satymar Hondarribia Bidasoari egingo dio bisita eguerdiko ordubatetan Hondartza kiroldegian.

Kadeteetan, atzeratu egin dute Sareteknika Kukullaga Etxebarri eta Mecalberen lehia; Muelles Zalduakek, Bergara taldearen bisita jasoko du kiroldegian igandean goizeko 10etan. Mutilek aldiz, bai Tekniker eta baita Komat ere etxean arituko dira larunbatean, Ipuruan 6:45etan Tolosaren kontra lehenak eta Unibertsitate Laboralean 10etan Hernani Sorlanen aurka bigarrenak.

Larunbatean kantxaratuko dira infantil mailako gure talde guztiak Ametsa ezik, igandean goizeko 11:30etan Leizaran Txuria arerio izango bait dute Ipuruan;  Urkotronik eta Bengoa Elektrizitatea, Donostiko La Salle kiroldegian arituko dira Saieko-La Salleren aurka ordubatetan eta Saieko-La Salleren kontra 11:45etan hurrenez hurren; Mecalbek errenteriaraino bidaiatu beharko du Ereintza Agualplasten aurka 10:30etan jolasteko herriko kiroldegian; bukatzeko, Hierros Servandok Saieko-La Salle Beltza taldearen bisita jasoko du Ipuruan goizeko 11:45etan.