1. Jardunaldia

Txanponaren bi aldeak bizi zituen gizonezkoen Arrate Eibar eskubaloi lehen taldeak pasa den larunbatean Asfaltos Redondo Solozabal Navarreteren aurka. Maisutasunez nagusitu ziren armaginak (33-25) liga txapelketa itzel hasita. Hala ere, berri txar batekin bukatu zen norgehiagoka, Paul Alonso gure jokalariak belauna bihurritu eta aldageletarako bidea hartu zuen bigarren zatian. Astearte honetan egingo dizkiote azken probak larritasuna argitzeko. Fernando entrenatzailearen adierazpenak islatzen dute taldearen sentipenak: “Esan dezakedan gauzarik onena ere, Paulen lesioak iluntzen du”. Esan bezela, diagnostikoaren zain, besarkada haundi bat bidaltzen diogu Pauli denon partetik. Animo!

Larunbateko lehiara itzulita, eibartarrak nagusi izan ziren partida osoan, hasierako minutuak izan ezik, aurretik izan ziren armagiñak norgehiagoka osoan lehen bi puntuak poltsikoratzeko. “Ligako lehen neurketa izateko, erritmo bizia izan zuen, intentsitate handia atzealdean eta, nire ustez garrantzitsuena, gure jokalari askoren ekarpena atearen aurrean izan zen”, kontent zen Fernando taldeak kantxan erakutsi zuenarekin. Hori izan baitzen garaipenaren gakoetariko bat, 13 jokalari armaginek gutxienez gol bat egitea lortu zutela, hau da, atezainek ezink denok. Gainera, Alex Puente jubenilak mailan debutatu eta bi tanto egin zituen, sekula ahaztuko ez duen neurketan. Atea gehien ikusi zuen eibartarra Jon Barruetabeña izan zen 5ekin.

Bestalde, gizonezkoen bigarren taldeak ere erakustaldia emanda garaitu zuen Urdaibai Isabel larunbatean Open Cup-eko neurketan (40-19). Emakumezkoen lehen taldeak ere txapelketa berean garaipena eskuratu zuten Urduliz Berango  kontra (23-20); bigarren taldeak ezin izan zuen irabazi Elgoibarren bertakoen kontra, hala ere, lagunartekoa izanda badute hobetzeko margiña (26-22).

Hauexek dira Arrate Eibar Eskubaloi taldeen asteburuko beste emaitzak:

Jubenil neskak Liga                   Ereintza Aguaplast 21-26 Arrate Eibar Eskubaloia

Jubenil mutilak Lagun.              Urdaneta 36-24 Arrate Eibar Eskubaloia.

Kadete neskak Liga                    Arrate Eibar Eskubaloia 30-3 Cartonajes Arregi Aloña Mendi

Kadete neskak Liga                    Ereintza Beissier 24-17 Arrate Eibar Eskubaloia B

Kadete mutilak Open Cup          Arrate Eibar Eskubaloia-Ereintza Aguaplast

Kadete mutilak Liga                   Arrate Eibar Eskubaloia B-Amenabar A

Kadete mutilak Open Cup          Ereintza Aguaplast-Arrate Eibar Eskubaloia