USTEKABEEN AURREAN INDARTSU

Gizonezkoen Arrate Eibar Eskubaloiaren ratxa onak ez du etenik eta beste bi puntu batu zituen talde eibartarrak Tarazonaren aurka larunbatean Ipuruan (33-30). Jokatutako azken partiden gidoi berbera eduki zuen honek: eibartarrak aginte makilarekin, azken minututan lasaitu eta puntuak galtzeko arriskua egon , eta, hala ere, behin eta berriz erakusten dute gure mutilek momenturik zailenetan ere aurrera egiten. Lidertzan jarraitzen dute 33 punturekin, bigarrena den Helvetia Anaitasuna baino 6 gehiagorekin.

Lehengo zatia nahiko parekatua izan zen, bi taldeak erasokor, ez ziren markagailuan aldeak zabaltzen. Hala eta guztiz, lehen zati amaieran eta bigarrenaren hasieran, diferentzia handitu eta bederatzi goleko abantaila ere eduki zuten armaginek. Baina azken neurketetan geratu zaien bezala, ez zuten jakin larunbateko lehia ixten eta alde zabala kudeatzen, hori dela eta, sufritzea tokatu zen beste behin. Gol bakarrera hurbildu ziren Aragoiarrak, punturen bat irabaziko zutela amesten, orduan atera zuten etxekoek lider izaera, eta duten adorea erakutsiz beste bi puntu poltsikoratu zituzten lehen postuan sendo eta oraindik partidurik galdu gabe jarraitzeko. Erasoko jokalariak gailendu ziren asteburuko norgehiagokan gol kopuru handia sartuz. Nabarmentzekoa ohikoa ez den gauza bat, hau da, gure taldeko bi jokalarik gutxienez 10 gol egin zituztela. Asier Urainek 12 eta Axier Gisasolak 10, larunbatean inspiratuta zeudela argi utzi zuten, taldeari 16. garaipena emateko.

Emakumezkoen Arrate Eibar Eskubaloiak ere garaipen itzela lortu zuen ostiralean Ipuruan Ameztoi Zarautzen kontra (24-21), eta lehen postuan Bera Bera taldearekin berdinduta, puntu sorta politarekin sailkatzen dira bigarren fasera. Bestelako multzoa espero da hurrengoko ligaxkan, Omega Peripherals Basauri edo Eraiken Eharialdea moduko talde gogorrekin, besteak beste. Prest dira gure neskak erronka berriari ekiteko eta ziur gaude maila emango dutela, bukaerako emaitza bata ala bestea izan.

Gure filialek txanponako bi aldeak ezagutu zituzten asteburuan. Emakumezkoek Urola Urzum arazo handirik gabe menderatzen zuten bitartean (35-25), gizonezkoek ezin izan zuten punturik ekarri Gasteiztik Limpiresol Corazonistas en kantxan galdu eta gero (32-29).

• Jubenil neskak Kukullaga Etxebarri 34-19 Arrate Eibar Eskubaloia  Etxebarriko udal kiroldegia
• Jubenil mutilak Gran Camping Zarautz 32-18 Arrate Eibar Eskubaloia  Aritzbatalde kiroldegia, Zarautz
• Kadete neskak Printhaus Basauri 21-24 Arrate Eibar Eskubaloia  Artunduaga kiroldegia, Basauri
• Kadete neskak Arrate Eibar Eskubaloia B 25-20 Cartonajes Arregi Aloña Mendi  Ipurua
• Kadete mutilak Gran Camping Zarautz 24-26 Arrate Eibar Eskubaloia  Aritzbatalde kiroldegia, Zarautz
• Kadete mutilak Arrate Eibar Eskubaloia B 16-17 Herreria Bidebieta Bera Bera  Ipurua
• Infantil mutilak Arrate Eibar Eskubaloia B 18-30 Urola Goierri Bus Ipurua
• Alebin neskak Pulpo A 14-4 Arrate Eibar Eskubaloia  Lubaki kiroldegia, Zumaia
• Beteranoak mutilak Arrate Eibar Eskubaloia-Leioa Eskubaloia  Ipuru