Unai Gallastegiren elkarrizketa Senior Mutilak B

/ / Hemen publikatua: CANTERA, EIBAR ESKUBALOIA, Kategoria gabe

Unai Gallastegik (Eibar, 1998) bizi erdia darama gure hiriko taldeetan jolasten, 12 urterekin JD Arraten hasi zenetik, orain arte. Gainera, aurten, Hierros Servando Eibarren bigarren taldearekin Bigarren Nazionalerako igoera lortu berri du. Helburua nola burutu duten  eta hainbat gauza gehiago kontatzen dizkigu gure protagonistarek, berarekin izan dugun solasaldian.

Zorionak egindako denboraldia eta lortutako sariarengatik,

– Lehenik eta behin, eskerrik asko.

Zer suposatzen du taldearentzat Bigarren Nazionalera igoera honek?

– Aukera paregabe bat, eta jauzi handi bat eskubaloi lehiakorrago batera.

Eta zuretzat pertsonalki?

– Poztasun handia. Maila honetan bost urte eman ondoren eta igoerarako final bat galdu ostean, Eibarren gainera, asko suposatzen du aurten igoera lortu izanak, batik bat taldearen eta utzi gaituzten taldekideen sakrifizio guztia islatzen baita bertan.

Hasieratik jarritako helburua izan zen, ala ez zenuten uste hainbeste eskuratzerik?

– Bai. Gure helburua ligako goiko postuetan egotea izan da urtero.

Urte zoragarria izan da. Bi faseak batuta, 11 garaipen jokatutako 12 neurketatik. Batez beste 29,3 gol alde eta 23,75 kontra. Zenbakiek erakusten duten bezala arerioak baino hobeagoak izan zarete. Hori bera sentitzen al zenuten zuek?

– Lehenengo egunetik oso gogor hasi ginen entrenatzen. Lagunarteko denak irabazi ondoren, talde bateratua eta gogorra ginela ikusten genuen. Hasieratik bagenekien denboraldi on bat zetorrela aurretik, baina ez genuen hain ona izatea espero.

Seguru ez dela hain erreza izan, ala?

– Ez da batere erraza izan. Estatuak ezarritako murrizketengatik aste asko pasa genituen seiko taldetan entrenatzen. Horrek, gure arteko “kimika” galtzea eta talde ariketa onak bilatzea zaildu zuen. Denboraldian zehar, partidu oso gogorrak eduki ditugu, Pulpon aurka Zumaian, eta Ordizian aurka, Ordizian eta Eibarren, besteak beste.

Ordizia Siglo XX Plater Prestatuak izan zen zuek menderatzea lortu zuen talde bakarra, hala ere, nola diren kontuak, bigarren fase honetan mendekua hartu eta garaipen horren bitartez lortu zenuten igoeraren saria,motibazio puntu batekin iritsi al zineten neurketa erabakigarri honetara?

– Galdutako partidua ondo etorri zitzaigun oinak lurrean edukitzeko, porrot horren ostean taldea sendotu egin zen entrenamendu gogorragoak eginez. Nire ustetan, bigarren faseko lehenengo zein bigarrengo partiduetara motibazio berdinarekin irten ginen, irabazi ala hil.

Hala eta guztiz, kontuan izan behar da igoera ospatzeko itxaron behar izan zenutela. Gogorra egin zitzaizuen itxarote hori?

– Egia esan, denok bagenekien igoera azken partiduan jokoan egongo zela eta horretarako prestatuta geunden. Baina neurketaren ondoren, gure lana beteta, tentsioa eta urduritasuna nabaritzen zen giroan, beste partida nola zihoan ikusi genuenean.

Inoiz lortu duzun lorpenik hoberena al da honako hau?

– Baietz esango nuke.

Ze beste bizipenekin geratzen zara eskubaloian daramazun denboran?

– Orain dela lau urte irabazitako Gipuzkoako Koparekin. Denboraldi latz baten ondoren, amaitzeko modu perfektua izan zen.

Non ikusten duzu zure burua hilabete batzuk barru?

– Nire taldekideekin entrenatzen eta 2.Nazionalean jokatzen. Lortu dugun lorpenaz gozatzen.

Ze helburu dituzu?

– Hainbeste urtez 1.Terriotorialean jokatu ostean nire helburua eskubaloiaz eta kategoria berriaz gozatzea da.

Taldera itzulita, Ze helburu du talde honek datorren urteari begira?

– Eskubaloi jokoan, zein talde moduan hobetzea, eta nola ez, kategoria berrian mailari eustea.

Norarte heldu daiteke talde hau?

– Talde gaztea da eta hobetzeko marjina badago, 2.Nazionalan finkatzea eta pixkanaka postuak igotzen joatea taldearen esku ikusten dut. Ez dut uste lehen postua lortzeko lehian egongo garenik aurten, baina ezta beheko postuetan mailari eusteko borrokan egongo garela ere ez.

Bestelako albisteak

Ligara itzulera
KRONIKA
19. JARDUNALDIA KRONIKA