29.JARDUNALDIA KRONIKA

Hierros Servando Eibar taldearen beste garaipen Itzel bat pasa den asteburukoa, Avefor Huesca nagusitasunez menderatu eta gero (33-28). Bi puntuak lortzeaz gain, lehen postuan den Helvetia Anaitasuna harrapatu dute armaginek eta bien arteko lehiak kontuan hartuta,  eibartarrak gol gehiagogatik gailendu zirenez, buruan dira gipuzkoarrak azken jardunaldiaren atarian. Beraz, ez dute arerioen emaitzen zain egon behar, beraien esku baitago buruzagitza eustea.

Sailkapenak erakusten duena baino arerio zailagoa izan zen talde aragoitarra. Taulan azken aurren badira ere, ondo lehiatu zuten larunbatean eta armaginek topera jokatu behar izan zuten kontrarioa menpean hartzeko, izan ere, azken unean bakarrik lortu zuten etxekoek markagailuan aldea zabaltzea . Esan bezala, lehia gogorra eta bizia bizi izan zen Ipuruan, batez ere lehen zatian, gol askoko 30 minutu izan ziren, oso dinamikoak, bi taldeek lortu zuten momenturen batean aurretik egotea, hala ere, berdinketarekin iritsi ziren atsedenaldira.

Ildo beretik jarraitu zuen bigarren zatiak, hala eta guztiz, eibartarrak gehiago zirela erakusten hasi ziren, defentsan estutu eta bi gol besterik ez zituzten jaso lehenengo 10 minutuetan. Baina, espainiarrak suspertu, eta berriz hurbildu ziren elektronikoan maila galtzeko arriskuak emandako adorearekin. Hala ere, zerbaitegatik da talde armagina liga honetako lider. Aginte makila hartu eta 10-6ko partzialari esker, bi puntuak segurtatu zituzten Fernandoren mutilek. Lander Casado bilakatu zen partidako goleatzailerik onena, kanpoko Jorge Lafuentekin batera, bakoitza 8 golekin.

Aipatzekoa ere Euskal txapelketako azkenengo fasean egon direla asteburu honetan Grupo Mecalbe Eibarreko gure kadete neskak. Nahiz eta punturik ez lortu, sentsazioak oso onak izan dira eta denboraldi osoko lanari esker, Espainiako txapelketarako txartela lortu dute. Zorionak neskak, lan orok bere saria du.

• Senior Grupo Mecalbe Eibar 20-15 Urnieta Quel Abogados       1.j        Ipurua
• Senior Hierros Servando Eibar B 28-21 Egia Kosko Taberna        1.j        Ipurua
• Jubenil Leizaran Lanbroa Taberna 19-34 Grupo Mecalbe Eibar   4.j        Alluralde kiroldegia, Andoain
• Jubenil Bacalaos Santymar Hondarribia Bidasoa 21-24 Hierros Servando  2.j Hondartza kiroldegia, Hondarribia
• Jubenil Hierros Servando Eibar B 25-14 Erreka Bergara              2.j        IGA 10:00 Ipurua
• Kadete Sinergia Orio 36-25 Grupo Mecalbe Eibar                      azken fasea 1.j  Karela kiroldegia, Orio
• Kadete Grupo Mecalbe Eibar 22-28 Kukullaga-Etxebarri            azken fasea 2.j Oiardo kiroldegia, Usurbil
• Kadete Cartonajes Arregi Aloña Mendi 37-31 Grupo Mecalbe    azken fasea 3.j    Karela kiroldegia, Orio
• Kadete Grupo Mecalbe Eibar 18-29 Usurbil A                            5.j        Ipurua
• Kadete Bankoa Elgoibar 22-32 Hierros Servando Eibar               11.j      Olaizaga kiroldegia, Elgoibar
• Kadete Hierros Servando Eibar 30-25 Ereintza Beissier              11.j      LAR 11:45 Ipurua