27.J KRONIKA

Honek idatzia: Eibar Eskubaloia / astelehena, 03 Maiatza 2021 / Hemen publikatua: EIBAR ESKUBALOIA, Kategoria gabe, SELECCIÓN

Hierros Servando Eibar taldeak ezin izan zuen behar zuen puntua atera Ereintza Aguaplasti eginiko bisitan (24-20). Gainera, sailkapenean aldea murriztea lortu zuten errenteriarrak eta 6 punturen faltan 5era aurkitzen dira. Hala ere, marjina nahikoa dute armaginek bigarren postuari eusteko, fidatu ezin diren arren, eskura dute helburua lortzea. Bestalde, gogoratu beharra dago, oraindik bi neurketa geratzen zaiela Ipuruan eta hori baliatu behar dute Fernandoren mutilak, Ipurua gotorleku bilakatu eta behar den puntua lortzea.

Asteburuko lehiara itzulita, gogor borrokatu zuten eibartarrek, hala eta guztiz, etxekoen defentsa gogorra gainditzen arazoak izan zituzten gure jokalariek. 20 gol besterik ez zituzten sartu; aitortu beharra dago tantu gutxiko norgehiagoka izan zela eta horrek etxekoen alde jokatu zuela. Lehen zati oso parekatua bizi izan zen Errenterian, dena den, armaginak atzetik markagailuan une oro. Berdintzea lortzen bazuten ere, berehala jartzen ziren aurretik etxekoak, ezin zuten markagailua irauli eibartarrak. Azken 10 minutuetako 5-2ko partzialak erabaki zuen lehia, bi puntuak Errenterian utzita. Mikel Zuloaga izan zen armaginen goleatzailerik onena 6rekin; etxekoen partetik Ander Arruti izan zen erasoan finena 6rekin ere.

Goraipatzekoa Grupo Mecalbe kadeteen asteburuko lana. Euskadiko kopako lehen fasean, irudi polita eman eta gero, azken faserako sailkatzea lortu zuten gure neskek. Lehen neurketa Berango Urduliz etxeko taldeari irabazi (22-20) eta sailkapena bideratu arren, bigarren partidan Sinergia Oriorekin estropezu egin zuen taldeak (11-27); hala eta guztiz, hirugarrenean puntu bakarra lortuta hurrengo faserako txartela poltsikoratzen zuten, eta horrela gertatu zen San Adrian Aren kontra (21-21). Zoragarri. B multzoan Kukullaga Etxebarri eta Cartonajes Arregi Aloña Mendi sailkatu ziren azken faserako. Lan bikaina, zorionak neskak.