AURPEGIA EMANEZ

Somos Eibarrek porrot aringarria jasan zuen Trapagarani eginiko bisitan (27-21). Hori bai, ez zuten amorerik eman eta liderrari aurpegia emanez jokatu zion. Hasierako partzialari erraz eutsi zioten etxekekoek eta bi puntuekin geratzea lortu zuten. Eibartarrak, hamairugarren postuan jarraitzen dute Urduliz taldearekin berdinduta sei punturekin, hauek Dominicosen kantxan gainendu eta gero.

3-0eko partzialak, etxekoei abantaila eman zien hasi eta berehala. Markagailuan aldentzea lortu zuten, neuketa osoan arazo larri bakar bat pasa gabe. Fernandoren mutilak jakitun ziren liderraren aurka aritzearen zailtasunak, hala ere bukaerararte borrokatu ziren lehiakorrak izaten, ahal izan zuten arte. Talde armaginak, bizkaitarrak lortu zuten abantaila handia murriztea lortu zuen atsedenaldira lau goleko aldeaz iritsiz. Baina bigarren zatia, lehenaren bide beretik jarraitu zuen eta Trapagaran nagusitu zen hasieratik amaierarate, nahiz eta eibartarrek emaitza atontzea lortu eta sei goleko errentaz galdu arren.

Mikel Zuloaga izan zen norgehiagokako goleatzaile nagusia, etxeko Eder Delgadorekin batera, seina gol sartuz bakoitzak. Somos Eibarrek Romo jasoko du Ipuruako kiroldegian datorren asteburuan. Bizkaitarrak puntu bat gehio soilikin dira eta eibartarrentzat neurketa oso garrantsitsua izango da.

Grupo Mecalbe talde seniorraren lehen garaipena etxetik kanpo Txingudi Egaindar garaitu eta gero (21-34). Gizonezkoek aldiz denboraldiko lehen porrota jasan zuten Labarra Taberna Pulporen pistan (30-27) bigarren zati txar baten ondoren. Gure jubenilen jardunaldi ezin hobea: Mecalbek, Laubide Iturgintza Izaro markagailuan bikoizten zuen bitartean (46-23), Teknikerrek, Hernani Anexo Elektrotresnak menderatzea lortu zuen bi puntu garrantsitsu Eibarrera ekarriz (25-33).

Kadeteak ere maila eman zuten joan zen asteburuan. Mecalbek ez zuen Aialaren gupidarik izan eta porrota zer den jakin gabe jarraitzen du (31-11); Teknikerreko mutilak garaitezin jarraitzen dute lehen postuan Aukera Electrotecnia jipoitu eta gero (35-18); Komatek ere arazo larri gabe garaitu zuen Bera Bera Laranja (18-32). Infantil mailan aldiz, Urkotronik taldea izan zen garaipena lortu ahal izan zuen gure talde bakarra. Leizaran Urdina garaitu zuen (12-22); Ametsak porrot latza jasan zuen Bergararen kontra (4-23), Hierros Servandok gol bakar bategaitik galdu zuen partida Amenabarren aurka (18-19) eta La Salle Legazpik erra garaitu zuen Bengoa Elektrizitatea Eibar (24-29).