ABIAN DA LIGA

Larunbatean hasten da denboraldi berria eta Somos Eibar taldeak bere ligako lehen partida jokatuko du Avefor Huescaren aurka Eibarko kiroldegian arratsaldeko 18:30etan. Huescako bigarren taldeak, iaz lortu zuen lehen mailara igotzea denboraldi osoan norgehiagoka bakarra galdu ondoren. Aragoiarrak, Gerard Espigol zentral ohia fitxatu dute entrenatzaile gisa aritzeko. Baina eibartarrak ere ondo indartu dira Aitor Telletxearen itzulerarekin edota Victor Uriarte, atezainen prestatzaile berriarekin. Zalantzarik gabe, talde honi bultzada emango dioten fitxaketak. Beste alde batetik, joan zen astearte jokatu zuen Somos Eibar taldeak liaga hasi baino lehenagoko azken partida Elgoibarren. (25-27) gailendu ziren eibartarrak.

Bi talde seniorrak oraindik ez dira beraien txapelketak hasi, hala ere, denboraldi berria prestatzen jarraitzen dute. Emakumezkoak, Grupo Mecalbe Eibar taldea, Egia Eskubaloiaren aurka arituko dira larunbatean, goizeko 11:30ean, Donostin bertan. Gizonezkoak ere larunbat goizean jokatuko dute beraien partida, baina kasu honetan Getxon, 12:15etan Erromoren aurka.

Lehen taldeak bezala, jubenilak ere larunbat honetan debutatuko dute bakoitza bere txapelketan. Neskak, Grupo Mecalbe Eibar taldeak, Hernani One Telecomi egingo dio bisita, Hernaniko kiroldegian arratsaldeko 15:30etan. Mutilak aldiz, Tekniker Eibarrek, etxean du bere lehen lehia Automoviles Zarautzen aurka.

Bi A kadeteak ere larunbatean arituko dira lehen jardunaldian eta biak eibarretik kanpo jolastuko dute. Neskak, Grupo Mecalbe Eibar taldea, Neurri Elgoibar saiatuko dira mendean hartzen Olaizagako kiroldegian 11:30etan. Mutilak, Tekniker Eibarrek, Amenabar B taldearen aurka neurtuko ditu indarrak Aritzbatalde kiroldegian 13:00etan. Kadeteen B taldeak aldiz, lagunartekoa jokatuko du Bergarako kiroldegian, etxeko taldearen kontra, arratsaldeko 16:00etan.