AURRETIKOA | Derbia Ermuan: gure neskek Errotabarri bisitatuko dute.

Larunbata, 12:00 | Ermua

Larunbat goizean, 12:00etan, denboraldiko partidarik garrantzitsuenetako bat iritsiko da Emakumezkoen Zilarrezko Ohorezko Mailara. Gure neskek Errotabarriren aurkako derbia jokatuko dute Ermuan, sailkapenaren buruan dauden bi taldeen arteko lehia zuzena: etxekoak, liderrak eta porrotarik gabekoak, bigarren sailkatua den gure taldearen aurka.

Topaketa bizia eta zirraragarria espero da, aurrez aurre bi dinamika sendo dituena. Errotabarri taldeak ez du partidurik galdu eta garaipen zabalak lortu ditu ia bere partida guztietan, bere esperientzia handiak eta elkarrekin lehiatzen urte asko daramatzan bloke batek babestuta. Gainera, Elgoibarko bi jokalari dituzte, denboraldi hasiera honetan aldeak ezartzen ari direnak.

Gure aldetik, taldeak etxeko jokalari guztiekin egingo dio aurre derbiari, proiektua indartzen duen balio erantsia eta, zalantzarik gabe, izugarrizko meritua duena. Fitxaketarik gabe lehiatzen diren lehen bost sailkatuen arteko multzo bakarra gara, eta hori indar bihurtu nahi dugu: presiorik gabe, nortasun propioarekin eta jardunaldiz jardunaldi hazten jarraitzeko anbizioarekin jokatzea.

Irabazteko betebeharra liderrarena da, gure jokalariak partida handi bat sinatzeko prest datoz, maila honetako pistarik zailenetako batetik zerbait positiboa ateratzeko borrokan.

Irabazteko betebeharra liderrarena da, gure jokalariak partida handi bat sinatzeko prest datoz, maila honetako pistarik zailenetako batetik zerbait positiboa ateratzeko borrokan.