15 eta 16 Apirilak

Azken jardunaldia. Heldu da egun klabea. Larunbatean arratsaldeko 19etan emakumezkoen Mecalbe Eibar Eskubaloiak mailari eusteko partida erabakigarria jokatuko du Ipuruan Lagunak taldearen aurka. Beheko postuetan egon dira denboraldi osoan zehar bi talde hauek eta azken postua erabakita jada, azken aurrekoa falta da jakitzeko. Pasa den jardunaldiko garaipena eta gero puntu bat gorago dira armaginak eta berdinketak gure nesken alde egiten du. Hala ere, irabaztera kantxaratu beharko dira. Lehen itzulian nafarrak gailendu ziren gol bakar bategatik. Neurketa klubaren Youtube kanalean zuzenean ikusgai egongo da Ipuruara igo ezin duenarentzat, hori bai, zaletu guztien indarra eta bultzada behar dute armaginek, beraz, denok Ipuruara!

Gizonezkoak, bestalde, Tolosaren kantxan arituko dira larunbatean arratsaldeko 19:30etan, Usabal kiroldegian, hain zuzen ere. Laugarren postuan dira tolosaldekoak gure mutilak baino puntu bat gehiagorekin, beraz, laugarren lekua jokoan. Lehen itzulian nagusi izan ziren tolosarrak Ipuruan irabazita.