21. Jardunaldia

21. Jardunaldia Mecalbe Eibar Eskubaloi lehen taldeentzat. Larunbatean arituko dira biak etxetik at. Emakumezkoek Iruñako San Ignacio eskolaren kiroldegiko lehen pistabisitatuko dute Loyola talde nafarraren aurka jokatzekoarratsaldeko 18:00retan. Eibartarrak baino postu bat gorago dira 13 punturekin eta lau ateratzen dizkie gure neskei.Gizonezkoek, bestalde, Barakaldoko Lasesarre kiroldegian izango dute hitzordua 19:00retan Barakaldo Indepca XXIri aurre egiteko. Denboraldi zaila izaten ari da bizkaitarrentzat eta hori aprobetxatu beharra dago. 2 garaipen besterik ez dituzte lortu barakaldarrek azken 12 partidatan eta beheko postuetan dira 9 punturekin guztira. Txapelketa osoan gol gehien jaso duen taldea da etxekoa, hala ere, orain arte 99 golen egile den Markel Moreno daukate jokalaririk arriskutsuena. Andoniren neskek ere aurrelari fin bati arreta berezia jarri beharko diote, Haizea Amatriari hain zuzen ere, ligan gol gehien egin dituenetariko bat da eta 109 golekin.