ESTATU AZKEN FASEA

Nesken Arrate Eibar Eskubaloiko kadeteek Castelloko Onda hirira bidaiatu dute aste honetan estatuko azken fasea jokatzera eta F sektoreko lehen multzoan kokatuta izango dira. Ostegunean hasiko den arren lehiaketa, armaginek ostiralean egingo dute debuta Roquetas taldearen aurka arratsaldeko 18:30etan. Larunbatean kantxaratuko dira berriz eibartarrak, 18:30etan ere, etxeko Onda Handbolen kontra aritzeko, eta aurreneko bi postuetan geratuz gero, igandean bigarren multzoko aurrenekoen aurka jokatuko lukete. Ondako Victor Cabedo Carda pabilioian jokatu dira sektoreko neurketa guztiak. Izugarrizko denboraldia egiten ari dira gure neskak eta ginga jartzea besterik ez da falta, hori bai, gertatzen dena gertatzen dela, guretzat txapeldunak zarete. Animo.

Gizonezkoen Arrate Eibar Eskubaloiak aste honetan jakin du zilarrezko mailarako igoera fasea Ipuruako kiroldegian jokatuko dela, baita bertan ze arerio izango dituen  ere C multzoan. Madrilgo Balonmano Ikasa, OAR Gracia Sabadell kataluniarra eta kantabriako Balonmano Santoñak bisitatuko dute gure hiria maiatzaren 27tik 29ra jokatuko den lehiaketan. Sarreren salmentan informazio guztia hurrengo oharrean jakinaraziko dugu.