Urtarrilak 8 KRONIKA

Neurketa gogorrak jokatu zituzten emakumezkoen Arrate Eibar Eskubaloiko lehen bi taldeek Ereintza Aguaplasten aurka (19-19) eta Ereintza Beissierren kontra (25-35). Hori bai, lehen taldeak behin urteko helburu nagusia lortuta, hau da, bigarren faserako txartela eskuratuta. Filialak, aldiz, ez zuen aukerarik izan eta zazpigarren postuan dira 10 punturekin. Nagusiekin itzulita, lehia gogorra eta estua bizi izan zen larunbatean, ez zuen ematen kanpotarrek bi puntu soilik zutenik. “Partidu gogorra eta oso lehiatua izan zen. Ereintzakoak gogo askorekin etorri ziren eta lehen minutuetatik intentsitate handia jarri zioten partiduari”, zioen Andoni Perez, armaginen entrenatzaileak behin hitzordua bukatuta.

Ez zen eibartarren denboraldiko neurketarik onena izan, hala ere, bigarren porrota ekiditea lortu zuten biziki borrokatuz. Hori bai, hurrengo faserako gauzak hobetzeke oraindik. “Nahiko ondo hasi ginen defentsan, baina erasoan azken partiduetan bezala, gehiago kostatzen ari zaigu golak sartzea, nahiz eta aukera onak izan”. Atsedenaldira gol bat azpitik heldu ziren  eibartarrak(11-12) eta ildo beretik jarraitu zuen geratzen zena, dena oso berdinduta. “Bigarren zatia oso parekatua izan zen gol bat gol aurretik, gol bat azpitik denbora osoan zehar. Hori bai, azkenengo erasoa ondo defenditu  eta puntua etxean uztea lortu genuen”, ez zen triste Andoni. Goraipatzekoa Elene Iriarte eta Nahia Benitez jokalarien lana ate aurrean, biak 5 golekin.

  Bi partidu geratzen zaizkie gure neskei lehen fasea bukatzeko eta proba desberdinak egiteko aprobetxatuko dute bigarrenera ahalik eta prestatuen heltzeko. Gainera, datorren asteburuan atseden hartzea tokatzen zaio taldeari, beraz, denbora gehiago indartzeko. Hilaren 23an itzuliko da talde armagina ligara, Irauli Bosteko taldeari bisita eginda.

• Jubenil neskak La Salle-Saieko 23-30 Arrate Eibar Eskubaloia La Salle kiroldegia, Donosti
• Jubenil neskak Usurbil 13-36 Arrate Eibar Eskubaloia   Oiardo kiroldegia, Usurbil
• Kadete neskak Arrate Eibar Eskubaloia 36-14 Aiala A   Ipurua
• Kadete neskak Cartonajes Arregi Aloña Mendi 23-22 Arrate Eibar Eskubaloia B   Zubikoa kiroldegia, Oñati
• Kadete neskak Irauli Eskubaloia BI 24-29 Arrate Eibar Eskubaloia B  Paco Yoldi kiroldegia, Donosti
• Kadete mutilak Arrate Eibar Eskubaloia 28-20 Egia Eskubaloia  Ipurua
• Infantil mutilak Amenabar A Zarautz 31-14 Arrate Eibar Eskubaloia  Lizardi kirol aretoa, Zarautz
• Infantil mutilak Urola 15-10 Arrate Eibar Eskubaloia IGA  kiroldegia, Zumarraga
• Beteranoak Loyola Urduliz 22-23 Arrate Eibar Eskubaloia