ASTEBURUKO PARTIDAK

Hitzordu bikoitza gizonezkoen Arrate Eibar Eskubaloiarentzat aste honetan etxetik kanpo. Easygas Urduliz bisitatuko dute larunbatean arratsaldeko 20:00etan Iparralde kiroldegian. Asteazkenean, berriz, Romo Broker Kirol taldearen kantxan jokatuko dute, atzeratutako neurketa berreskuratuz arratsaldeko 20:30etan. Getxoko Gobela kiroldegian izango da hitzordua. Ez dira bidai errezak izango, hala ere, itxaropentsu dira Fernandoren mutilak eta lau puntuak etxera ekarriz gero,  jauzi haundi bat emango lukete eibartarrek sailkapenean.

Azken aurren dira taulan urduliztarrak. Iazko denboraldi onaren ondoren, ez dute ondo hasi kurtso hau eta bi garaipenekin beheko tokietan dira. Iaz arazo handirik gabe irabazi zuten armaginek urdulizen. Aritz Zuluaga da orain arte bizkaitarren jokalaririk erasokorrena eta gertutik lotu beharrekoa. Erromo aldiz, denboraldi hasiera gora beheratsua bizitzen ari da, pistetan ondo, baina hiru neurketa bertan behera utzi behar izan du forma galduz pixkat. Hala eta guztiz, sailkapenaren erdialdean dira bizkaitarrak. Kontuz Iñaki Mendizabal edo Javier Aldecoa jokalariekin.

Emakumezkoen Arrate Eibar Eskubaloia ere etxetik at arituko da larunbatean arratsaldeko 17:30etan eta arerioa Ameztoi Zarautz izango da Aritzbatalde kiroldegian. Bolada onari jarraipena ematera kantxaratuko dira eibartarrak lehen itzuliko azken neurketan. Bigarren dira zarautztarrak sei punturekin eta lehia estua espero da. “Partidu guztiak irabazita presiorik gabe heltzen da taldea”, dio Andoni Perez entrenatzailea, harro eta kontent da taldearekin. “Ematen ari den joko maila altua goraipatu behar da, lan ona egiten ari dira neskak astero, hori dela eta, dakiguna egitera irten behar gara inongo presiorik gabe. Taldea gogotsu da bi puntuak etxera ekartzeko”. Ez daukate bajarik, beraz, pest daude jokalari guztiak erronka berri baterako.

Gure beste bi talde seniorrek Ipuruan jokatuko dituzte beraien partidak. Neskek Arilan Elgoibarren bisita jasoko dute larunbatean 16:30etan. Mutilek Gure Auzune izango dute arerio bi ordu geroago, 18:30etan, hain zuzen ere. Gogoratu Ipuruako partida guztiak zuzenean ikusgai izango dituzuela Eibar Eskubaloiaren Youtube kanalean.

Jubenil neskak              Caravanas Oñate Aloña Mendi-Arrate Eibar Eskubaloia  IGA 12:00         Zubikoa kiroldegia, Oñati

Jubenil mutilak             Arrate Eibar Eskubaloia-Ereintza Aguaplast                   LAR 11:45         Ipurua

Kadete neskak              Arrate Eibar Eskubaloia-Lana Aloña Mendi B                 LAR 11:30         Ipurua

Kadete neskak              Arrate Eibar Eskubaloia B-Egia Eskubaloia                     IGA 11:30

Ipurua

Kadete mutilak             Arrate Eibar Eskubaloia-Ereintza Aguaplast                   LAR 10:00

Ipurua

Kadete mutilak             Amenabar B-Arrate Eibar Eskubaloia B                          LAR 13:00

Zarautzko udal kiroldegia

Infantil neskak              Arrate Eibar Eskubaloia-Udarregi Usurbil                      IGA 10:00

Ipurua

Infantil neskak              Aiala D Zarautz-Arrate Eibar Eskubaloia B                      LAR 11:30         Zarautzko udal kiroldegia

Infantil mutilak             Urola Goierri Bus-Arrate Eibar Eskubaloia B                  IGA 10:00         Ispilla kiroldegia, Zumarraga