ETXETIK AT BERRIRO ERE

Bigarren neurketa jarraian etxetik kanpo Arrate Eibar Eskubaloiarentzat. Galdu gabe jarraitzen dute eibartarrek eta Egia Teila-Fabrikaren kiroldegia bisitatuko dute larunbatean 20:15etan hasiko den hitzorduan. Sailkapenaren erdi partetik behera dira donostiarrak bi punturekin, pasa den asteburuan Barakaldon lortu zutena, alegia. “Jokalari multzoa aldatu ez duen  taldea da Egia eta ederki ulertzen dira elkar. Lehia zaila espero dugu, aurkari gogorra baita, batez ere bere pistan”. Fernando Fernandez, armaginen entrenatzaileak argi du ez dela erronka erreza izango.

Elkarren kontra jokatu dituzten aurrekariei begiratuta, esan dezakegu eibartarren alde egiten dutela, hau da, Donostin jokatu dituzten azken bi neurketetan armaginak izan direla nagusi. Hala ere, ezin dira fidatu gure mutilak eta irabaztera irten behar dira lehen minututik. Fernando jakitun da zeintzuk izango diren norgehiagokako gako nagusiak: “Joko alaia, dinamikoa eta oso zuzena duen taldea da Egia eta tentuz ibili beharko gara beraiekin”. Horretaz gain, mailako goleatzailerik onenetarikoa du talde donostiarriak, azken urteetan oso fin aritu eta urte hasiera oso ona izaten ari dena, Mikel Royo, hain zuzen ere. Ez da hurbiletik lortu beharko duten jokalari bakarra, hala eta guztiz, duten kalitatea pistaratzen badute eibartarrek, bi puntuak etxera ekarri dezakete, duda barik.

Bigarren taldea, aldiz, Ipuruan arituko da larunbatean ere arratsaldeko 16:30etan Urdanetaren aurka 4. jardunaldiari dagokion neurketan. Bigarren dira gure jokalariak eta lehen postuaren bila kantxaratuko dira hurrengo aste-bukaeran. Berriz atseden hartzen duena emakumezkoen lehen taldea da, bigarren asteburua jarraian Urbil Usurbilen aurkako neurketa prestatzen jarraituko dute gure neskek lehen postuari eusteko intentzioarekin. Bigarren taldeak, aldiz, Mirotza Orio jasoko du Ipuruan larunbatean arratsaldeko 18:30etan eta taularen goialdera egitea izango dute helburu armaginek.

• Jubenil neskak   J5     Bergara-Arrate Eibar Eskubaloia                  LAR 13:00     Labegaraietako kiroldegia, Bergara
• Jubenil mutilak   J4    Arrate Eibar Eskubaloia-Tolosa                    LAR 17:45     Universidad Laboral
• Kadete neskak   J5     Ordizia Enirio-Arrate Eibar Eskubaloia        LAR 11:30     Majori kiroldegia, Ordizia
• Kadete neskak   J5     Sukia Orio-Arrate Eibar Eskubaloia B          LAR 16:00     Karela kiroldegia
• Kadete mutilak   J4    Arrate Eibar Eskubaloia-Tolosa                    LAR 16:00     Universidad Laboral
• Kadete mutilak   J5    Arrate Eibar Eskubaloia B-Hernani Solan    LAR 11:45     Universidad Laboral
• Infantil neskak   J2     Arrate Eibar Eskubaloia-Seguros Bilbao Orio LAR 11:15  Ipurua
• Infantil neskak   J2     Aloña Mendi A-Arrate Eibar Eskubaloia B  LAR 12:15     Zubikoa kiroldegia, Oñati
• Infantil mutilak   J2    Aloña Mendi A-Arrate Eibar Eskubaloia      IGA 10:45      Zubikoa kiroldegia, Oñati
• Infantil mutilak   J2    Arrate Eibar Eskubaloia B-Aloña Mendi B  LAR 10:00     Ipurua