AMETSETAKO DEBUTA

Heldu da emakumezkoen Arrate Eibar Eskubaloi taldearen ordua. Larunbat honetan arrtsaldeko 18:30etan Ipuruan jokatuko du Euskadiko txapelketako lehen partida Bera Bera talde donostiarraren kontra. Zazpi taldez osatutako multzoan kokaturik, eibartarrek argi daukate zein den helburua eta horrela adierazten du Andoni Alvarez nesken entrenatzaileak: “Lehenengo fasean aurreneko lauren artean sailkatzea espero dugu, horrela, txapelketa irabazteko multzoan sartuko gara, eta bide batez, denboraldiko helburua lortu genuke”. Hala ere, ez da erronka erraza izango, lehen aurkaria Ber Bera dutelarik, gogor borrokatu beharko dute armaginek aurreneko bi puntuak eskuratzeko, donostiarrak faboritoetariko bat baita. “Norgehiagoka gogorra espero dugu, ez da maila honetan partida errazik, hala eta guztiz, taldea oso ondo heltzen da. Aurredenboraldiko neurketak ikusita taldea konfiantzarekin dagoela uste dut”, itxaropentsu da Andoni.

Azkeneko urteetan talde indartsua dela erakusten ari dira lehen taldeko neskak eta uda honetako albisterik onena ia jokalari guztiak jarraitzen dutela eta benetako ekipoa dela erakusten dutela da. Dena den, asteburu honetan ezingo dira Ane Treviño eta Nagore Ruiz taldearekin egon lesioanutirk baitira, baina plantilla itzela du Arrate Eibarrek eta ez du Andoni asko arduratzen. “Pena bat da, hala ere, aurten jokalari asko ditugu, batez ere lehenengo lerroan eta beraien lekua oso ondo beteko dutela ziur naiz”. Hori horrela, zaletuen laguntzaz helbururako lehen pausoa ematea espero du Arrate Eibar Eskubaloiak.

Gizonezkoen lehen taldeak aldiz, etxetik kanpoko lehen partida izango du Zaragozan larunbatean 18:30etan Tarazonako udal kiroldegian bertako taldearen kontra. Eibartarren multzoan berriak diren arren, aragoiarrak badakite zer den maila honetan jokatzea B multzotik datoz eta. Dominicosen desagerpena eta Huescaren jaitsiera eta gero, bigarren talde aragoiarra izango da Sugraf Zaragozarekin batera. Hasierako jardunaldian porrota jasan zuten Tolosan, hala eta guztiz, gogor aritu beharko dira armaginak zaragozarrak menderatu nahi badute. Lehen neurketan Sinie Laborda izan zen espainiarren goleatzaile nagusia eta gertutik zaindu beharko dute Fernandoren mutilek.

Gogoratu gure taldeen etxeko neurketak klubaren Youtube kanalean zuzenean ikusgai izango dituzuela.. Hemen gure taldeen asteburuko beste neurketa batzuk.

Senior neskak   J1         Urola Urzum-Arrate Eibar Eskubaloia B                         LAR 16:30                    Ispilla kiroldegia, Zumarraga

Senior mutilak  J1         Arrate Eibar Eskubaloia B-Limpiresol Corazonistas         IGA 11:45         Ipurua

Jubenil neskak  J1         Arrate Eibar Eskubaloia-Bankoa Elgoibar                       IGA 10:00                     Ipurua

Jubenil mutilak J1         Arrate Eibar Eskubaloia-Sima Corazonistas                    LAR 11:45                    Ipurua

Kadete neskak  J1         Urola Construcciones Antio-Arrate Eibar Eskubaloia       LAR 12:00                    Ispilla kiroldegia, Zumarraga

Kadete neskak  J1         Arrate Eibar Eskubaloia B-Laña Aloña Mendi                 LAR 16:30                    Ipurua

Kadete mutilak J1         Arrate Eibar Eskubaloia-Sima Corazonistas                    LAR 10:00                    Ipurua

Kadete mutilak J2         Urkunde Elgoibar-Arrate Eibar Eskubaloia                     LAR 10:00                    Olaizaga kiroldegia, Elgoibar

Infantil neskak  lagun.   Bergara-Arrate Eibar Eskubaloia (lehen urtekoak)          LAR 10:30                    Bergara

Infantil neskak  lagun.   Elgoibar-Arrate Eibar Eskubaloia (bigarren urtekoak)      IGA 12:30                     Elgoibar

Infantil mutilak triang.  Arrate Eibar Eskubaloia-Arrate Eibar Eskubaloia B          LAR 10:00                    Universidad Laboral

Infantil mutilak triang.  Arrate Eibar Eskubaloia-Bergara                                    LAR 10:30                    Universidad Laboral

Infantil mutilak triang.  Arrate Eibar Eskubaloia B-Bergara                                 LAR 11:00                    Universidad Laboral