28.JARDUNALDIA

Hierros Servando Eibar taldeak beste aukera bat du igande honetan behar duen puntua lortzeko eta igoera fasera sailkatzeko. Arerioa Distriplac San Antonio izango da eta lehia goizeko 12etan hasiko da Ipurua kiroldegian. Aukera paregabea Fernandoren mutilentzat, hurrengo faserako txartela lortu, eta bide batez, geratzen diren neurketak lasaiago hartu eta azken erronka prestatzeko. Bolada onean heltzen den taldea da nafarra, bi garaipen jarraian lortu eta gero, lehena Ereintza Aguaplasti gainera, hirugarrenaren bila etorriko dira gure hirira. Hamargarren dira sailkapenean 25 punturekin eta denboraldia ahalik eta hobekien bukatzea dute helburu; eibartarrak, aldiz, jomuga ezberdinarekin kantxaratuko dira asteburu honetan. “Ate aurrean dugun eraginkortasuna hobetu behar dugu eta ezin diogu arerioari jaurtiketa errazak egiten utzi”, dio Fernandok.

Ez da batere erronka erreza izango eta armaginak ehuneko ehunean aritu beharko dira San Antonio menderatzeko asmotan badira, izan ere, lehen itzulian, nafarrak gailendu ziren gol batengatik soilik. “Neurketa oso garrantzitsua da guretzat, joaneko partidan irabazi egin zigun eta San Antoniok, gainera, talde lehiakorra dela erakusten ari da”. Juan Ortiz izan zen norgehiagoka hartako goleatzaile nagusia; gainera, Pedro Ibarra eta Oier Berasategi dira talde nafarraren jokalari finenak erasoan, beraz, tentuz ibili beharko dira eibartarrak. Hori bai, iaz Ipuruan jokatu zen lehian, eibartarrak izan ziren nagusi; aurrekari bikaina ez bairik gabe. “Oso garrantzitsua izango da puntuatzeko dugun beharra, egoeraren urduritasuna eta ondo eta buruarekin jolasten uztartzea”, ondorioztatu du eibartarren entrenatzaileak.

Gogoratu beharra dago, gure taldeen etxeko neurketa guztiak Youtubeko taldearen kanalean zuzenean ikusgai egongo direla. Hauek dira gure beste taldeen asteburuko partidak.

• Jubenil Grupo Mecalbe Eibar-Consulting Alaves            3.j        IGA 10:00         Ipurua
• Jubenil Hierros Servando Eibar-Ingou Arrasate              (1. eta 4. pos)   LAR 16:45 Ipurua
• Kadete Grupo Mecalbe Eibar B-Neolith Orio                  4.j        LAR 11:45         Ipurua
• Kadete Hierros Servando Eibar-Urkunde Elgoibar          10.j      LAR 10:00         Ipurua
• Kadete Amenabar A-Hierros Servando Eibar                  6.j        IGA 10:30         Zarautzko udal kiroldegia
• Kadete Ordizia-Hierros Servando Eibar B                       10.j      IGA 10:00         Majori kiroldegia