26. JARDUNALDIA ATARIA

Beste final bat jokatuko du Hierros Servando Eibar taldeak asteburu honetan Ipuruan. Arerioa laugarren sailkatuta den Uharte nafarra izango da larunbatean arratsaldeko 18:30etan. Zazpi puntutako aldea dago bi taldeen artean, baina helburu desberdinak dituzte biek. Armaginak bigarren postuari eusteko ahaleginetan dauden bitartean, Uharte taldekoek igoera fasea jokatzeko aukera ematen duen lekua harrapatzea bilatzen dute. Bolada onean murgilduta ziren nafarrak orain dela gutxi arte, hala ere, azken neurketatan zertxobait behera egin du beraien mailak. Jokatutako azken lau partidetatik bakarra irabazi dute, azken aurrekoarekin berdinketa medio. Hala eta guztiz, ezin dira fio Fernandoren mutilak. “Argi daukagu ezin dugula espekulatu, ez egutegiarekin, ez sailkapenarekin eta ezta arerioarekin ere ez”, dio Fernandok. Bost lehia gogor geratzen dira, hirugarren sailkatua bost puntura dago eta dena uztekotan dira jokalariak kantxan. Azken esprinta bakarrik geratzen den arren, burua erabili beharra dago azken lehia hauetan bihotza erabili beharrean.

Lehenago aipatu bezala ez da batere errez izango larunbateko erronka, ratxa onean ez badaude ere, kontutan hartzeko kontrarioa da ez bairik gabe. Lehen itzuliko norgehiagokan nafarrak gailendu ziren, eibartarrak denboraldi osoan gol gutxien sartu zuten lehian. “Uharte tokatzen zaigu oraingoan, azkar eta oso ondo jokatzen duen talde dinamikoa”. Eibartarrek inoiz baino zorrotzago jokatu beharko dute erasoan, ligan gol gutxien jaso dutenak baitira nafarrak. Neurketako batez beste 22 besterik ez dute jasotzen. “Jardunaldi bakoitzari tokatzen zaion unean jarri behar diogu arreta, gure helburua ondo jokatu eta dena ematea da une oro”, azpimarratzen du armaginen entrenatzaileak. Tentuz ibili beharko du gure defentsak Iosu Longas edo Mikel Etxeberria moduko jokalariekin.

Gogoratu partida hau eta Eibar Eskubaloiko taldeek Ipuruan jokatuko dutenak, Youtubeko taldearen kanalean zuzenean ikusgai egongo direla. Hauek dira gureen asteburuko neurketak:

• Jubenil                                     Aiala B ZKE-Grupo Mecalbe Eibar               2.j            LAR 12:00             Antoniano kiroldegia, Zarautz
• Kadete                   Grupo Mecalbe Eibar-Aiala ZKE                                     6.j            LAR 11:45             Ipurua
• Kadete                   Grupo Mecalbe Eibar-Aiala C ZKE               7.j            LAR 10:00             Ipurua
• Kadete Ereintza Beissier-Hierros Servando Eibar              8.j            IGA 10:00   Errenteriako udal kiroldegia
• Kadete Amenabar C ZKE-Hierros Servando Eibar B            8.j            LAR 16:00       Antoniano kiroldegia, Zarautz