ERRESISTENTZIA IPURUAN

Zortzigarren jardunaldia Somos Eibar taldearentzat larunbatean. Zaragozako Balonmano Dominicos jasoko du Ipuruan arratsaldeko 5etan. Ez da neurketa erraza izango eibartarrentzat baina hasten jarraitzea izango dute helburu, Ipuruako kiroldegia gotorleku bilakatuz eta taldea bultzatzera joaten diren zaletu guztien laguntzarekin, orain dela bi asteko partidari jarraipena emateko. Fernandok ezingo ditu Aner Cardo, Eneko Garetxana eta Jon Uriarterekin pistaratu ez direlako astebururako prest egongo.

Armaginek, oso ondo hasi den talde aragoiarra izango dute aurkari, bostgarren postuan dira bederatzi punturekin. Joan zen astean etxean berdindu zuten Beti Onaken kontra eta bost neurketa daramatzate galdu gabe jarraian espainiarrek. Gainera, orain dela bi denboraldi txapelketa irabaztea lortu zuten. Hori bai, zaragozarrek ezin izan diote garaitu azkeneko hiru norgehiagoketan eibartarrei. Agian, Javier Cintas izan daiteke jokalaririk arriskutsuena, goleatzaile onena bait da batazbeste partiduko ia lau golekin. Hala ere zerbait nabarmentzen bada Dominicosen, beraien batasuna eta talde izaera da.

Baina Somos ere ekipo adoretsua eta elkartua da, jokalari bat falta denean besteek ordezkatzen dutena. Hurrengo larunbatean, lehenago aipatutako bajengaitik, inoiz baino elkartuago egon beharko dira eibartarrak eta horri zaletuen laguntza gehitzen badiogu Dominicosen aurka garaipena lortzea posiblea dela ondorioztatu dezakegu.

Filialak bueltan dira

Eibarko taldeak  bueltan dira berriz kantxetan joan zen asteburuko geldialdiaren ondoren. Emakumezkoen seniorrak bigarren garaipenaren bila irtengo dira igandean Ereintza Beissierren aurka. Grupo Mecalbek Ipuruako kiroldegian jasoko du arerioa goizeko 11:45etan. Gizonezkoek aldiz garaitezin jarraitu nahi dute Urola Laztimendiren kontra,  oraindik porrotik ezagutzen ez duen taldea ere. Lehia larunabatean Unibertsitate Laboralean izango da 4:15etan. Seigarren jardunaldia jubenilentzat; Mecalbeko neskek beste astebetez deskatsatzeko aukera izango dute bitartean, Tekniker taldeko mutilek larunbatean Arrasate B jasoko dute Unibertsitate Laboralean goizeko 11etan.

Kadeteetan aldiz, Melcabeko neskek atseden hartuko dute eta Muelles Zaldua taldekoek Zumarragara joan beharko dute Ispillako kiroldegian Urolaren aurka aritzeko 5:30etan. Teknikerreko mutilak Zumaian arituko dira Creados Pulporen kontra igandean goizeko 9:45etan Lubako kiroldegian. Komat Eibarrek bestalde Urola Cristaleria Goiherriren visita jasoko du Ipuruan larunbatean 11:45etan.

Infantil mailan, Bengoa Elektrizitateak atseden hartuko du berriz ere. Lehen yaldeak aldiz, Hierros Servandok Andoainera bidaiatu beharko du larunbatean Leizaran Uridnaren aurka aritzeko goizeko 11:30etan Allurralde kiroldegian. Larunbat goizean jolastuko dute neken hiru taldeek ere: Urkotronikek, Ficoba Bidasoa Irun izango du arerio 10:30etan Ipuruan; Mecalbe, Pneumax Elgoibarren kontra arituko da 11:15etan Olaizaga kiroldegian; eta Ametsak, Aloña Mendiren bigarren taldeari egingo dio bisita 9:45etan, Zubikoa kiroldegian jokatuko den neurketan. Bi talde alebinak igandean kantxaratuko dira. El Tio Palancasek babestuak, neskek Aloña B jasoko dute 9:45etan Ipuruan  eta mutilek, Pulpo B 10:45etan Ipuruan ere.