Talde lan zoragarri batekin lortu zuten garaitzea Andonire jokalariek. Horren adierazle garbia golen egileak izan ziren, guztira 12 armaginek lortu zuten gutxienez gol bat sartzea bi puntuak eibarrera ekartzeko. Gorabehera askoko lehia izan zen, hasiera ikusgarria egin zuten eibartarrek eta zazpi goleko errenta ere edukitzea lortu zuten lehendabiziko ordu laurdenean. Hala ere, berehala ikusi zen noren aurka jokatzen ari ziren eta atsedenaldirako hurbiltzea lortu zuten etxekoek. Gainera, bigarren zatiaren hasieran berdintzea ere lortu zuten zarauztarrek neurketa parekatuz. Baina, sarritan aipatzen dugun bezala ezin ditugu gutxietsi gure jokalariak eta duten grina eta adorea kanporatu zuten berriz ere aldea zabaltzeko markagailuan. Ez zuten amore eman nahi zarauztarrek eta diferentzia murriztu zuten beste behin. Hala eta guztiz, eibartarrek abantaila mantendu eta azkeneko segundurarte sufritu bazuten ere garaipen itzela etxerako. Loyola taldea jasoko dute Ipuruan datorren astean armaginek bolada onari jarraipena emateko asmoz.

Gure neskek, bestalde, ezin izan zuten punturik harramazkatu eta hurbil-hurbil geratu ziren beste asteburu batez. Gol gutxiko partidak suertatzen ari dira defentsan egiten duten lan onari esker, hala eta guztiz, bi puntu besterik ez dituzte batu orain arte eta beheko postuetan dauden arren, sentzazioak ez dira hain txarrak eta egoerari buelta emango dioten esperantza dugu denok. Neurketara itzuliz markagailuan atzetik izan ziren 60 minutuetan zehar armagiñak eta azkenengo minutuetan gol batetara hurbiltzea lortu batzuten ere, bizkaitarrak izan ziren garaile. Nahia Benitez izan zen gure jokalarien artean erasoan hobekien egon zena 4 gol egin baitzituen, etxeko Kamilla Klara Korpaczyrekin batera, beste 4 egin baitzituen etxeko jokalariak. Hori bai, puntuak batzen hasi nahi badu gure taldeak erasoan finago ibili beharko da, liga osoan batez beste 20 goletara iritsi ez den talde bakarra baita, hala ere, badakigu gai direla gure jokalariak. Datorren astean ere etxetik at arituko dira armaginak eta arerio gogor baten aurka, gainera, Aiala Zarautz izango da kontrarioa, alegia. Aitzindari bezala, azkenengo neurketa bi talde hauen artekoa, etxekoen alde izan zen, hala eta guztiz, gogor borrokatuko dutela argi daukagu.

Emakumezkoek aldiz ezin izan zuten ezer egin Helvetia Anaitasuna talde indartsuaren aurka. Hasiera batetik asi ziren nabarmentzen etxekoak, hala ere, ezin izan zuten diferentzia asko zabaldu markagailuan gogor eusten zioten eta eibartarrek. 4 goletan mantentzen zuten gipuzkoarrek aldea, hala eta guztiz, bigarren zatian neurketa erabakitzea lortu zuten nafarrek eta Marta Jaques eta Helena Jimenezen golei esker bi puntuak poltsikoratzea lortu zuten. 6 eta 5 gol egin zituzten hurrenez , gure Ane Treviño eta Naia de Castrok bezela, bakoitzak 5 egin baitzituzten . Porrotetik jaikitzea, akatsak zuzentzea eta bertatik ikastea besterik ez da geratzen, eta datorren asteko lehian pentsatzen hastea, Gurpea Beti-Onak Azparren Gestion taldearen aurkakoan, alegia.