Español 
Puntu banaketa Alcorta Forging Group Elgoibar eta Somos taldeen artean (25-25). Edozeinek irabazi zezakeen neurketa bilakatu zen. Inori asetzen ez dion emaitza inondik ere, hare eta gutxiago etxekoei, azkenak izaten jarraitzen bai dute bi punturekin. Eibartarrak hamairugarren dira zortzirekin.
Armaginak izan ziren nagusi lehen minutuetan, markagailuan aldea handitzen Iker Eizagirreren goleei esker, norgehiagokako onena izaten bukatu zuen zortzirekin. Baina elgoibartarrak partida erauli eta atsedenaldira gol bat behetik joatea soilik lortu zuten.
Bigarrenean, bi adeko aldea izan zuten eta dena etxekoak baina azken esprin on bati esker berdindu zuten eibartarrak jokoan zeuden bi puntuak banatuz. Borja Diez aipatu behar da zurigorrien partetik, goleatzaile onena izan bait zen seirekin. Datorren jardunaldian, Anaitasuna jasoko du Somosek ostegunean arratsaldeko 8retan.
Ihes egin zion puntu batek Somosi larunbatean, neurketa osoan zehar nagusi izan ondoren, Erromok berdintzea lortu zuen bere azken erasoan (23-23). Eibartarrek beste bat sartu zuten arren, ez zen denbora barruan izan eta puntu banaketarekin bukatu zen partida. Taldeak oso maila ona erakutsi zuen atzekalde zorrotz bati esker eta Ruben Fuentes atezainaren lan bikaina bat eta gero. Talde itxura eman zuten armaginek egoera zailenetan elkarlaguntzan. Gol falta izan daiteke Somosen ahultasunik nabarmenena, partidoko batazbeste 24 sartzeak ez ditu gauzak errezten eta. Hala ere, sentsazio onak utsi zituen taldeak eta Ipuruan elkartu zirenek zinez eskertu zuten taldearen esfortzua beraien animo eta ohiuekin.
Lehia hasi eta bost minutura aurreratu ziren etxekoak. Atzekaldean oso fin aritu ziren eta lehen zatiaren amaiera ziragarri baten ondoren, alderik handiena lortu zuen taldeak. Joko atsegin eta indartsua, serio mantentzen zen ekipoa. Horretaz gain, atepean Fuentesek eginiko lan bikainari esker Fernandoren mutilak abentailaz gozatu zuten ia norgehiagoka osoan. Gainera, gol bat sartzeko gai izan zen atezain eibartarra. Lehia lausotu zuten zertxobait epaileen erabakiek lehen zatiaren amai aldera.
Oso ondo ibili zen etxekoen euskarria eta bigarren zatia, lehenaren bide beretik jardun zen. Baina armaginek ezin izan zuen neurketa itxi eta bizkaitarrak berdintzea lortu zuten neurketa gehienean atzetik egon eta gero. Anderson Caicedoren indarra eta potentzia eta Javier Prietoren golak izan ziren kanpoko taldea bizirik mantendu zuten faktore nagusiak. Azken gola sartu zuten arren, denboraz kanpo zegoela eta ez zen markagailura igo eta puntu banaketa sortatu zen. Ipuruako kiroldegian bizi izan zen giroa nabarmentzekoa izan zen, urteko sarrerarik onena jasoz. Sailkapenean hamabigarren, Elgoibarra bidaiatu beharko dute eibartarrak datorren jardunaldian sensatzio onak berriz erakusteko asmoz.
Somos Eibarrek porrot aringarria jasan zuen Trapagarani eginiko bisitan (27-21). Hori bai, ez zuten amorerik eman eta liderrari aurpegia emanez jokatu zion. Hasierako partzialari erraz eutsi zioten etxekekoek eta bi puntuekin geratzea lortu zuten. Eibartarrak, hamairugarren postuan jarraitzen dute Urduliz taldearekin berdinduta sei punturekin, hauek Dominicosen kantxan gainendu eta gero.
3-0eko partzialak, etxekoei abantaila eman zien hasi eta berehala. Markagailuan aldentzea lortu zuten, neuketa osoan arazo larri bakar bat pasa gabe. Fernandoren mutilak jakitun ziren liderraren aurka aritzearen zailtasunak, hala ere bukaerararte borrokatu ziren lehiakorrak izaten, ahal izan zuten arte. Talde armaginak, bizkaitarrak lortu zuten abantaila handia murriztea lortu zuen atsedenaldira lau goleko aldeaz iritsiz. Baina bigarren zatia, lehenaren bide beretik jarraitu zuen eta Trapagaran nagusitu zen hasieratik amaierarate, nahiz eta eibartarrek emaitza atontzea lortu eta sei goleko errentaz galdu arren.
Mikel Zuloaga izan zen norgehiagokako goleatzaile nagusia, etxeko Eder Delgadorekin batera, seina gol sartuz bakoitzak. Somos Eibarrek Romo jasoko du Ipuruako kiroldegian datorren asteburuan. Bizkaitarrak puntu bat gehio soilikin dira eta eibartarrentzat neurketa oso garrantsitsua izango da.
Somos Eibarrek emozioz beteriko neurketa lehiatsuan garaile ataratzea lortu zuen. Egia esateko, edozeinek garaile ateratzeko aukera izan zuen, baina eibartarrak azken momentuetan finago ibili ziren, adore eta harrotasuna erakutsiz, oztopo guztiak gaindituz eta bi puntuak Ipuruan utsiz. Sei daramatzate guztira. Taldeak lehiakortasuna berreskuratu duela eta inoiz baino biziago dela erakutsi zuen larunbateko norgehiagokan, gainera ez zen inor bajetaz gogoratu talde bat balitz denok ddenok denori laguntzen. Nahiz eta sei puntukin hamaraiugarrenak izan, seigarren postua graipen bakar batera dute armaginek.
Lehen zatia oso parekatu izan zen, bi arerioak elakr mokoka aritu ziren, golak txandaka sartzen. Berdinketak nagusi ziren markagailuan. Baina kanpokoak gol bakar bat ere ez zuen sartu azken bost minutuatn eta eibartarrak hori aprobetxatu zuten atsedenaldiara bost goleko aldeaz helduz. Etxekoek agian ez zutenabentail honekin kontatzen eta emaitza eusten saiatu ziren arren, aragoiarrak buelta ematea lortu zuten, azken hamabost minutuei kriston emozioa sartuz.
Neurketak ez zeraman dinamika ona eibartarrentzat. Gainera zaragozarra bi goles gainetik jartzea lortu zuten. Baina Somos taldekoek ez zituzten buruak makurtu eta kiroldegira joan ziren animoekin batera balio askoko garaipena eskuratzea lortu zuen talde eibartarrak.
Somos Eibar taldearen porrot krudela Uharten (26-23) norgehiagoka estu baten ondoren. Detaile txikiek erabaki zituzten partida bi puntuak etxean utziz. Neurketa oso parekatua izan zen, berdinketak eta markagailuan líder aldaketa ugari bizi ziren eta bigarren zatiko bigarren erdian lortu zuten etxekoek markagailuan aldentzea eta irabaztea. Hamairugarren postuan dira orain armaginak Avefor Huesca eta Urdulizekin berdinduta lau punturekin, bigarren lekuan aldiz finkatzen dira nafarrak.
Ligan bezain hasiera onarekin ekin zuten neurketa uhartearrak, irabazten eta itxura ona emanez baina Somos Eibar taldeak jardunaldi batzuk daramatza hasierako sendotasuna erakusten. Ez zion etxeko taldeari aldeaz asko gozatzen utzi, atsedenaldira berdinduta iritsiz. Kontuan hartu behar da eibartarrak baja garrantsitsuekin bidaiatu zutela Uhartera. Hala eta guztiz ere ez zituzten besoak jeitsi 60 minutuetan.
Somos ondo ari zen, bigarren zatiaren hasieran gainera, bi goleko errenta lortu zuten, joan zen asteko jokoa erakutsiz. Baina uhartearrak emaitza iraultzeaz gain lau goleko aldearekin jarri ziren, neurketa ia erabakita utziz. Azken hartu emana markagailua apaintzeko besterik ez zuen balio izan. Miguel Maiza bilakatu zen partidako goleatzaile nagusia zazpikin eta Axier Guisasola, bigarrena seikin.
KONFIANTZA BERRESKURATZEKO GARAIPENA
Somos Eibar taldearen partida borobila. Jokalariak duten kalitatea erakutsi dute eta dena emanez, garaipena lortu dute Urdulizi arlo guztietan gainenduz, bai aurrean baita atzean ere (31-20). Lehia oso parekatua hasi da baina bizkaitarrek ezin izan dute eibartarren intentsitate altua berdindu eta garaipena etxean geratu da. Orain arte, Fernando Fernandezen mutilen neurketarik onena izan da eta nabarmentzekoa da aritu diren jokalari guztien ekarpena.
Berdinketa askorekin hasi da nogehiagoka eta inork ezin izan du aldea zabaldu markagailuan. Mikel Zuloaga piboteak, etxekoen aurreneko hiru golak sartu ditu eta areriorak hankapean eduki ditu, lehen protagonista bilakatuz. Ondoren, Somos taldeak errenta polita lortu du Eneko Garetxanaren eskumatik eginiko barnekaldiei esker. Labana bailitzan, gol oso politak sartu ditu hegal eibartarrak, bostetik lau eginez. Hiru goleko aldearekin heldu dira gipuzkoarrak atsedenaldira.
Bigarren zatia, lehena baino hobea izan dela aitortu dezakegu. Eta baliteke, taldeak orain arte egin duen jokorik politena eta sendoena izan direla minutu horiek. Bederatzi eta biko partzial bati esker, hamar goleko errenta jarri dute armaginek partida erabat erabakiz. Aitor Oregi izan da bigarren zatiko hasierako protagonista lau golekin. Atzean besorik jeitsi gabe eta aurrean zorrotz, eibartarrek ez dute arazorik eduki markagailua eusten azkeneko 20 minututan. Taldeak zortzi gol besterik ez ditu jaso atsedenaldia eta gero, hori berpizten eta konfiantza berreskuratzen ari dela Somos Eibar esan nahi du.
Ez zen larunbat ona izan Somos Eibar taldearentzat. Ezin izan zuen ezer egin El Pilar Maristas sendo baten aurka (20-33). Eibartarrak ez ziren ondo ibli, ez atzean ezta aurrean ere eta horri zorte txarra gehituaz, neurketa eskaxa irten zitzaien gure jokalariei. Markagailuan atzetik ibili ziren denbora guztian eta bigarren zatiaren hasieran, aragoiarrak erritmoa jaitsi zuten arren, arazo larri gabe gainendu ziren norgehiagokan.
Hasieratik ikusi zen ez zela eibartarren eguna. Lehen minutuetan ez zen diferentziarik nabaritu baina 15. minuturako, kanpokoak azkar jarri zuten lau bost golen aldea markagailuan eta ezinezkoa izan zen etxekoentzat buelta ematea. Ezin izan zuten espainiarren erritmoa jarraitu, eta hori ez zela oso altua. Defentsan erreztasun gehiegi eman zuen taldeak eta aurrean kamuts aritu zen. Jaurtiketa errazak huts eginez eta baloi asko galduz, partida maldan gora jarri zen.
Nahiz eta armaginak markagailuan hurbiltzea lortu zuten arren, Maristasek erraz eutsi zion aldeari eta atsedenaldirako sei golen errentakin heldu ziren azken segunduko penalti bati esker. Bigarren zatia, lehenaren antzekoa izan zen. El Pilar Maristasen nagusitasun eta eibartarren hutsekin. Lehen minututan, lau eta bateko partzial bati esker, eibartarren zaletuen esperantzak berpiztu ziren baina ez zen ispilatze bat besterik izan. Amaierararte aldea handitzen joan zen eta aragoiarrak galtzea zer den jakin gabe jarraitzen dute.
Somos taldeak aldez asko hobetu beharra dauka lehen jardunaldian erakutsitako sendotasunera itzultzea nahi badu. Egia da Azkonizagan falta asko bota zutela jokalariek baina horrek ez du aitzakitzat balio behar. Orain burua jaso beharra dago, lanean jarraituz eta hurrengo partida prestatuz.
Neurketa oso parekatu batean, eibartarrek partida aurrera ateratzeko aukerak izan zituzten, baina azkenean ezin izan zuten puntu bakar bat lortu Bizkaiara eginiko visitan (31-30). Berdinketa ugari egon ziren lehiaren zehar eta talde batek aurrea hartzen zuen bakoitzean, besteak berdintzea lortzen zuen. Adierazi beharra dago kanpokoak izan zirela markagailuan gehien aldea lortu zutenak, baina ez zuten aprobetxatu eta porrot batekin bueltatu behar izan ziren jokalariak etxera. Eskumako hegaletik heldu zen eibartarren berdintzeko azken aukera, baina jaurtiketa kanpora joan zen ta bi puntuak Lasesarren geratu ziren.
