Kronika

Emakumezkoen Arrate Eibar Eskubaloiak ezin izan zuen ezustekoa eman OpenCup finalerdietan Ameztoi Zarautzen kantxan galdu eta gero (28-22). Porrota pairatu zuten arren, gogor aritu ziren armaginak eta hiru goletara ere hurbildu ziren, hala ere, erasoan egindako huts egiteek taldea kondenatu zuten. “Aurrean ez da gure eguna izan, akats asko egin ditugueta hori zarutzatarrek ondo baliatu dute”, zioen Andoni Perez entrenatzaileak. Markagailuan atzetik ibili ziren eibartarrak norgehiagoka osoan zehar, baina ez zuten etsi 60 minututan, ate aurrean finago ez egotea izan zen porrotaren arrazoirik handiena. “Hasieratik taldea ez daondo sartu partidura eta zarautztarrek 3-4 goleko errentalortu dute. Erasoan oso gaizki ibili gara eta golak sartzea asko kostatu zaigu”

15-10 emaitzarekin iritsi ziren atsedenaldira eta argi zuten eibarrarrek zerbait aldatu behar zutela etxeko taldea ezustean harrapatzeko. “Defentsa aldatu, aldea 3 golera murriztea lortu dugu hasieran baloiak lapurtuz eta kontraerasoan irtetzen. Hala eta guztiz, berriro aldea 4-5 golean eraman dute azkenengo minuturarte” Ahalegindu ziren arren, gure neskek ezin izan zuten arrakasta lortu maila bat goragoko talde bat menderatuz, hala ere, harro egoteko jarrera erakutsi zuten beste behin eta ez zuten sekula amore eman. “Pena finalean ez sartzea, baina gure helburua finalerdietara iristea zen eta horrekin gelditu behar gara”. Sentimendu gazi-gozoa Andonirena. Maitane Velasco bilakatu zen gure golegilerik onena 4 tanturekin. Hurrengo asteburuan, Irauli Bosteko talde donostiarrak bisitatuko du Ipurua.

Beste Arrate Eibar Eskubaloi talde seniorrek garaipen entzutetsuak lortu zituzten etxetik kanpo. Neskek Ordizia Biok2.com garaitu zuten (25-27) eta sailkapen erdialdean dira lehen postua lau puntura dutelarik. Mutilek ere bi puntuak eibarrera ekarri zituzten Txikipolit Zarautz menderatu ondoren (22-24). Hirugarren dira orain liderrarekiko bira

Jubenil neskak J6        Tolosa 20-17 Arrate Eibar Eskubaloia Usabal kiroldegia, Tolosa

Jubenil mutilak J5         Gran Camping Zarautz 40-16 Arrate Eibar Eskubaloia Aritzbatalde udal kiroldegia, Zarautz

Kadete neskak J6        Arrate Eibar Eskubaloia 28-8 Astigarraga GYS Elgoibar Ipurua

Kadete mutilak J5        Gran Camping Zarautz 26-21 Arrate Eibar Eskubaloia Aritzbatalde udal kiroldegia, Zarautz

Kadete mutilak J6        Herrería Bidebieta Bera Bera 20-29 Arrate Eibar Eskubaloia Paco Yoldi kiroldegia, Donosti

Infantil neskak J3         Tecnifuelle Elgoibar 23-12 Arrate Eibar Eskubaloia IMH kiroldegia, Elgoibar

Infantil neskak J3         Arrate Eibar Eskubaloia B 17-30 Dario Elgoibar Ipurua

Infantil mutilak J3         Arrate Eibar Eskubaloia 43-16 Amenabar B Zarautz Ipurua

Infantil mutilak J3         Bacalaos Santymar Hondarribia 34-14 Arrate Eibar Eskubaloia B Hondartza kiroldegia, Hondarribia

Alebin neskak J1        Bergara 12-12 Arrate Eibar Eskubaloia Labegaraietako kiroldegia, Bergara