Español 
Somos Eibar taldearen partidu oso ona Uharteren aurka, azkeneko segunduetan pasa zenak zapuztu zuena (26-27), hala eta guztiz gauza positibioak ateratzeko moduan dira eibartarrak. Sendotasun itzela erakutsi zuten armaginak 60 minututan, talde indartsuago eta handiago bati aurka eginez, baina azkenean eibartarren hutsak eta azken jokaldi eztabaidatsu batek, kanpotarren alde erabaki zuten norgehiagoka.
26na markagailuan eta azken baloi jabetza eibaratarrena zen, erasoa prestatzen ari zirenean Fernandorenak, epaileak txistua jo zuen falta adieraziz. Han geunden guztiak etxekoen alde zelakoan geratu ginen, baita jokalariak ere, baina ezin zena sinestu da kanpokoen aldeko falta adierazi zutela epaileek. Naparrek bizkor baloia hartu eta beraien area ingurutik jaurtiki zuten baloia atezaina aurreratuta zegoela aprobetxatuz; gola markagailura igo zen guztien harridura aurpegian zelarik, epaileei begiratu eta prostetatu arren ez zuten iritsiz aldatu horrela bukatuz neurketa.
Harro sentitzeko arrazoiak dituzte Somos Eibar taldeko jokalariek, partida izugarria burutu zutelako, guztira zazpi jokalari gutxienez hiru gol egiteko gai izan ziren. Baina harro sentitzen dizunak ez dizu punturik ematen, borrokatzen jarraitu behar da gehiago batzeko. 12. postuan dira eibartarrak momentu honetan 17 punturekin eta hurrengo neurketan pentsatzeko garaia da jada, datorren asteburuan Dominicos Zaragozaren aurka jolastuko dutena.
Somos Eibar taldearen bigarren porrot mingarria jarraian Urdulizen (28-24). Markagailuan atzetik joan ziren neurketa osoan eta eibartarrek ezin izan zioten emaitzari buelta eman. Berdindurik ere egon ziren momento batzutan lehen zatian, baina ez zen ispilatze bat besterik izan eta lehia poltsikoratu zuten bizkaitarrek. Hamabigarren dira orain sailkapenean armaginak 17 punturekin, beheko partea inoiz baino estuago dago Erromo eta Egia taldeen garaipenen ondoren. Bederatzigarren sailkatutik azken aurrenera lau puntuko aldea besterik ez dago.
Giro bikaina Urdulizeko Iparralde kiroldegian bizi zena; eibartar askok neurketa bertatik bertara ikusteko baliatu zuten larunbata, geureak aupatzeko beraien animoekin. Mikel Zuloagaren bederatzi golek ezin izan zuten porrota galarazi, etxekoak sendoago eta indartsuago iraun zuten amaierararte, bi puntuak poltsikoratuz. Ez zion inork lagundu erasoan eibartarren goleatzaile onenari, etxekoei garaipena erreztuz. Jardunaldi zailak datorren asteburuetan Somos Eibarkoentzat, baina zutik jartzea tokatzen da orain, burua makurtu gabe helmuga lortzeko momentua, taldea horretarako kapaza bait da.
Somos Eibarren porrot mingarria larunbatean gol bakar baten aldeaz. Gehio merezi izan zuten eibartarrek baina azkeneko minutuetan eginiko hutsek taldea kondenatu zuten. Norgehiagokaren hiru laurdenetan jaun eta jabe izan ziren armaginak baina Tolosa talde trinko bat bezala mantendu zen, hobeago jolasten minutuak joan ahala. Orain bertan, sailkapena oso estu jarri da kanpotarren garaipenarekin. Sei talde dira guztira bi punturen bitartean daudenak; eibartarrak hamabigarren dira 17 punturekin; Zaragozako Dominicos zazpigarren da 19rekin. Horretaz gain, Egia taldeak jardunaldi honetan irabazi eta 13 punturekin jarri da.
Hasiera nahiko alderraia gertatu zen. Ez zuten asmatzen ez batak ez besteak, baina etxekoak izan ziren lehenak abentaila lortzen eta markagailuan aldea handitzen. Lehen zati on bati esker atsedenaldira hiru gol aurretik iritsi ziren armaginak, baina oraindik denbora asko geratzen zen.
Hala ere, bigarren zati parekatu bat eta gero, tolosarrak berdintzea eta baita aurretik jartzea lortuz batera, ez zioten aurkariari berriz aurreratzen utzi. Hamabost minutu baino gutxiago falta zirenean aurreratu ziren bukaeraraino. Oso zaila egiten zaigu jokalari bakar batekin geratzea, hori dela eta Tolosa talde osoa goraipatzekotan gaude. Sailkapenean erakusten duten baino sendoago azaldu ziren Ipuruan. Fernandoren mutilen artean Axier Gisasolaren lana izan zen aipagarriena, guztira bederatzi gol egin zituen, neurketan gehien, baina azkenean ezin izan zuen taldearen porrota saihestu. Hurrengo neurketan pentsatzen dira jada eibartarrak, larunbatean Urdulizen jokatuko duten Urduliz taldearen aurka, beraien ligako beste talde bat, hamairugarren bait dira armaginak baino bi puntu gutxiagorekin.
Somos Eibar taldearen porrot gogorra Zaragozako Maristasen aurka (36-34), neurketa lehiatu baten ondoren. Puntu bat ateratzear egon ziren armaginak, baina ezin izan zuten aurkaria markagailuan harrapatu. Oso ondo hasi ziren eibartarrak, aurretik jarri ziren hasieratik eta hiru goleko aldea ere eduki zuten, baina lau eta hutseko partzialak etxekoen partetik, lehen zatiko azken bost minutuetan, gol bakarreko aldearekin jarri zuen Maristas atsedenldirako.
Bigarren zatian, aragoiarrak ondo eutsi zioten armeginen erasoei, denbora guztian aurretik markagailuan, nahiz eta euskaldunak erruz saiatu, ezin izan zuten azkenean ezer onik Zaragozatik ekarri. Nabarmentzekoa da berriro ere Mikel Zuloagak egindako lan aparta erasoan 12 gol sartuz, aurtengo taldeko errekor pertsonala. Bere goleei esker, eibartarrak aldeari eustea lortu zuten arren ez ziren jomugara iritsi. Garaipenaren bidera itzuli eta porrota ahazteko, Beti-Onak taldeari datorren larunbatean irabaztea izango litzateke sendagairik onena, armaginen interesetarako oso garrantzitsua.
Bi puntu oso garrantzitsu lortu zituen Somos Eibarrek larunbatean Urban Cabero Balonmano Barakaldo taldearen aurka (26-25) eta beheko postuetatik aldentzen dira armaginak. Talde indartsua bizkaitarra, oso garesti saldu zuten azala Ipuruan. Eibartarra izan ziren markagailuan buru egon zirenak neurketa ia gehienean, hiru lau aldeko aldea lortuz. Baina horiak ez zuten etsi eta atsedenaldira gol bakar bategaitik galtzen iritsi ziren.
Bigarren zatia ere bide beretik jarraitu zuen, eibartarrak aurretik eta barakaldarrak bat bi goleko errentarekin beti aurpegia emanez.. Eta hórrela heldu zen neurketa azkeneko txanpara, gol bakarreko aldea etxekoentzat eta penalti jaurtiketa kanpokoentzat, baina Mikel Guerrak penaltia geratu eta bi puntuak etxean utzi zituen. Nogehiagokako azkeneko bi golak ez zuten askorako balio eta armaginak garaile irten ziren. Eibartarrei kriston bultzada ematen dien garaipena dudarik gabe, zinez beharrezkoa eta etxean lortu behar diren puntuak derrigor zaletu bikain honek lagunduta.
Azkeneko lau neurketetan hirugarren garaipena eibartarrentzar. Orain momentuan Somos Eibar hamaikagarren da 15 punturekin, erdialdea puntu bakar batera duela eta azken aurrena, Egia taldea sei behetik. Datorren astean Zaragozara bidaiatu beharko dute Maristas taldea bisitatzeko.
Somos Eibar taldeak ez du azken aste ona igaro, Avefor Huescarekin galdu ondoren (36-25) burutu ziren ahazteko zazpiko egunak. Espainiarrak arazo gabe menderatu zituzten eibartarrak, bi puntuak poltsikoratuz, Miguel Malo eta Lucas Calvo jokalarien artean 21 gol sartu zituzten nagusitasuna erakutsiz. Armaginak ez ziren ondo moldatu ezertan ere ez eta alde guztietan erratu ziren. Gainera, Iñaki Perales eta Xabier Azconizaga ostiralean min hartuta itzuli ziren etxera entrenamendua eta gero, Eneko Garetxanarekin batera baja izan ziren biak. Hori gutxi balitz bezala, Aner Cardok ere ostiraleko lesio baten erruz nogehiagoka erdian utzi behar izan zuen. Ez da batere erreza horrela lehiatzea.
Hasieratik jarri ziren aurretik huescatarrak, lehen zatia nahiko parekatua ematen bazuen ere, aldea haundituz, lau goleko errentarekin heldu ziren etxekoak atsedenaldira. Arerio indartsuago bat aurkitu zuten eibartarrak larunbatean, sendo eta tinkoa, ez zuten aukerarik eduki. Bide beretik jarraitu zuen bigarren zatiak, etxekoak oso eroso, emaitza eutsi eta aldea handitzea lortu zuten amaierararte.
Hamaikagarren postuan dira berriz ere Fernandoren mutilak, Avefor Huescak berriz aurreratu bait die sailkapenean hain zuzen ere. Gainera Urdulizek ere armaginak harrapatu dituzte eta berdinduta geratzen dira 13 punturekin, gauzak gero eta estuago utziz. Datorren larunbateko erronkan pentsatzen ari dira Somos Eibarko jokalariak jada, Urban Caber Balonmano Barakaldoren aurkakoan zehazki, hiru puntu goitik dira bizkaitarrak.
Somos Eibarrek bigarren garaipena jarraian erdietsi zuen asteburuan Egia-ren aurka (26-35). Gainera eibartarren lehena izan zen etxetik kanpo eta porrot bakarra jaso du azkeneko seis jardunalditan. Sailkapenean hamargarren posturaino igotzeko balio izan zaizkien zazpi puntu, 13 batzen dituzte guztira lehen bueltaren amaieran, beheko postuetatik zertxobait aldenduz.
Sentzu handiz jolastu zuten armaginek neurketa borobila osatuz, dudarik gabe orain arte denboraldi osoko onenetarikoa. Defentsan trinko, bigarren zatian 12 gol besterik ez zituzten eibartarrek jaso eta erason partidarik eraginkorrena suertatu zen 32 golekin, Fernando entrenatzaileak berrezten duen bezala: “erasoan oso txukun eta jaurtiketetan zorrotz aritu da taldea”.
Iker Eizagirre eta Ander De Diego zazpirekinbakoitza eta Mikel Zuloaga seirekin izan zire eraginkortasun horren islada, hiruren arten 20 gol sartuz. Aurretik izan ziren eibartarrak norgehiagoka gehienean baina etxekoak berdintzeko aukerak izan zituzten, baina armaginak atera ziren garaile Donostitik azken 20 minutuetan lehia erabakiz. Garaipen oso garrantzitsua gero eta kemen eta adore gehio erakusten ari den Somos Eibar taldearentzat. Hurrengo neurketa Avefor Huesca-ren pista izango da, lehen bueltan esukaldunak izan ziren garaile.
Somos Eibar taldearen garaipen itzela larunbatean Jacar San Antonioren kontra (29-28). Asko landutako irabazia izan zen, batere erreztasunik gabe eta markagailuan atzetik joatea tokatu zitzaiona. Zazpi minuturen faltan aurretik jarri eta berehala hasitako bi taldeen arteko gol hartu emanak ziurgabetasun itzela eraman zuen Ipuruako armailetara bainan neurketari bukaera ezinhobea eman zioten eibartarrek, urtea ondo amaituz. Nabarmentzekoak izan ziren zaletuen animo eta bultzada, jendetza ez egon arren, inoiz baino gehio animatu zen eta hori nabaritu zuten jokalariak, nola nabaritu ere.
Lehen komentatu bezala, 53. minuturarte ez ziren aurretik jarri Fernandoren mutilak, markagailuan atoian, berriz aurreratzen ziren naparrak eibartarrak berdintzen lortzen zuten bakoitzean. Mikel Guerra atezainaren gelditu eta parte hatze on, Aitor Telletxearen eroaten eta gol pase harrigarri eta nola ez, Mikel Zuloagaren goleei esker, bederatzi larunbatean, markagailua irauli zuten, bi puntuak bereganatzen. Azken eraso baten aukera izan arren, kapokoek ez zuten aprobetxatu eta ezker zutoina ondo babestu zuen Mikel Guerrak ginga jarriz. Izen batzuk aipatu arren, ezin ditugu partidako besteak ahaztu behar. Guztira, eibartarren aldetik 10 jokalarik gol bat sartzea lortu zuten gutxienez. Sekulako taldea, sendoa, gogorra, maila gorazko edozein talderi aurre egiteko adinakoa.
Sailkapenean hamaikagerren bukatzen du urtea Somos Eibarrek beste horren beste punturekin, iaz baino bat gehiagorekin eta sentsazio hobeagoekin. Lehen itzulia bukatzeko neurketa bat falta den arren, eibartarren ligako Egia Eskubaloiaren aurka alajaina, baina hori gabonen ondoren izanen da, bitartean ospa ditzagun jaiak.
Meritu handiko berdinketa lortu zuen Somos Eibarrek Helvetia Anaitasuna, bigarren sailkatuaren aurka (28-28). Neurketa oso parekatua izan zen eta irabazteko aukera izan zuten bi taldeek baina azkenean puntu banaketa gertatu zen. Zortzi golekin, beste batez Mikel Zuloaga erabakigarria izan zen etxekoen partetik, hala eta guztiz, Aitor Garcia bihurtu zen norgehiagokako goleatzaile nagusia 11 gol sartuta 60 minutuetan.
Eibartarren hirugarren berdinketa jarraian, hamabigarren postuan dira orain bederatzi punturekin beste hiru taldeekin berdindurik. Oso estu dago sailkapena eta gabonen aurretik datozen bi partiduak ez dira xamurrak izango eibartarrentzat. Goikaldean dauden Ereintza Aguaplast eta Jacar San Antonio izango dituzte aurkari gisa. Lehena datorren larunbatean arratsaldeko 7:30etan eta naparren aurkakoa Ipuruan abenduak 21 6:30etan. Argi utzi zuten ostegunean Fernandoren mutilak edozein taldekin lehiatu dezaketela.
