Hierros Servando Eibar taldearen beste garaipen itzela larunbatean Tolosaren aurka 26-25. Azken segundoetan erabakitako lehia izan zen eta bi puntuak Ipuruan geratu ziren. Horrela, lehen postuan dira berriz eibartarrak. Hori bai, Anaitasunaren neurketa bertan behera geratu zen eta hori baliatu zuten armaginek lidertza berreskuratzeko. Garaipena bideratua ematen zuenean, tolosarrek berdintzea lortu eta azken unerarte puntuatzeko aukerekin ikusi zuten beraien burua. “Pasa den asteburuan esan nuena berrezten dut. Edozein talderi irabazi ahal diogula, baina baita galdu ere. Momentu txarrak ahalik eta motzen egiten ikasi behar dugu, bai pertsonalki eta baita talde moduan ere. Ez gaitzala horrek esparru guztietara kaltetu”, urduri zen Fernando entrenatzailea partida bukatu eta gero. Ez zen urteko partidarik onena izan, hala eta guztiz, emozioa amaierarte iraun zuen. Ez zuten gaizki jokatu gureek, lehen minututik aldea handituz eta lasai arituz. Zazpi goleko errenta ere eduki zuten eibartarrek lehen zatian. Erasoan fin eta atepean gelditu bikainak eginez Ruben Fuentes. Hala eta guztiz, kanpokoek aldea murriztea lortu zuten atsedenaldirako. “Alde handia lortu genuen hogei minututan, baina azken unetako hutsegiteek bizia eman zioten arerioari bigarren zatirako”. Hobeagoak izan ziren tolosarrak bigarren atalean. Intentsitatea gogortuz, mugaraino eraman zuten defentsa kanpokoek. Hori eta Haitz Gorostidi jokalariaren golekin, markagailua iraultzea lortu zuten, pixkanaka pixkanaka berdinketararte. Tolosarren aldetik goleatzaile onena izan zen Gorostidi 6rekin. Hori bai, buelta ematea lortua zutela ematen zuenean, eibartarrek beste pausotxo bat aurrera eman zuten aldea handituz. Baina tolosarrek ez zuten etsi nahi, horrela, minutu terdiren faltan, galduta ematen zuen norgehiagoka berdintzea lortu zuten. Fernandok hutsartea eskatu zuen azken erasoa ahalik eta hobekien prestatzeko, eta bai ondo irten ere. Kanpotarren defentsa ilegalak aukera eman zien armaginei zazpi metroetatik berdinketa hausteko. “Arrisku asko pasa genituen bigarren zatian eta azkenean berdintzen utzi genien, amaierara emaitza oso estuarekin iritsiz. Eskerrak fin aritu ginen bi puntuak poltsikoratzeko”. Ondo aprobetxatu zuen aukera hori partidako goleatzailerik onenak, Iker Eizagirrek neurketa borobila burutu zuen, garaipenaren gola sartuz, 8ren egile izan zen. “Bikain aritu zen Iker Eizagirre zazpi metroko jaurtiketetan”

Meritu askoko garaipena Hierros Servando Eibar taldeak lortu zuena larunbatean Ipuruan Asfaltos Redondo Solozabal Navarreteren aurka (29-26).Hirugarren jarraipena jarraian bederatzi egunen barruan. Aurrez pentsatzen zena baino gehiago kostatu zitzaien eibartarrei bi puntuak etxean eustea, hala eta guztiz, nagusitasunez markagailua irauli eta ezustekoa saihestea lortu zuten. Bigarren postuan jarraitzen dute armaginak 25 punturekin, liderrak baino bi gutxiagorekin. “Lehen itzuli osoa goikaldean pasatu dugu. Atera dezakegun konklusioetariko bat, edozeinekin galdu dezakegula da. Egiten ditugun akatsak murrizten saiatu behar dugu, eraginkorragoak izan goian jarraitu nahi badugu”. Hobeago hasi zuten errioxarrek neurketa,ia lehen zati osoan zen berdinketa apurtuz, atsedenaldira aurretik iristen.Aurreko partidetan erakutsitako intentsitatea falta zitzaien etxekoei eta kanpotarrak hori aprobetxatuz, lehen 30 minutuak eta gero markagailuan goitik helduz. “Ipuruan aurten izan dugun partidarik zailenetarikoa. Atzetik joan gara ia neurketa osoan baina azkeneko esfortzuari esker irabaztea lortu dugu”. Hari beretik hasi zuen bigarren zatiak, errioxarrak aurretik. Hamar minuturen faltan berdindu eta armaginek buelta eman zioten, oso zail jartzen hasia zen norgehiagokari .Navarrete taldearen partida handiaz gain, baloi asko galdu ditugu eta eraso askotan huts egin, eta hori zama bihurtu da. Aipagarriena taldeak ez dituela besoak jaitsi eta bukaerarate borrokatu duela garaipena. Jon Barruetabeña eta Ander de Diego izan ziren etxekoen goleatzailerik onenak, bakoitza zazpi golekin. Hierros Servando Eibar taldearen hirugarren garaipen zoragarria aste terdian, pozik egoteko motiboak dituzte eibartarrek. Egiara bidaia datorren asteburuan….

Hierros Servando Eibar taldearen denboraldiko zortzigarren garaipena Ereintza Aguaplasten aurka Ipuruan(29-24). Argi geratu zen larunbatean, pasa den asteburuko sastada ez zela entrenamendu falta besterik izan. Urtea lehenengo postuetan bukatuko dute eibartarrek 17 punturekin, zortzi garaitze, bi porrot eta berdinketa bakarrarekin. “Garaipen garrantzitsua lortu genuen Ereintzaren kontra, gabonetako geldialdia gehio eta lasaiago gozatzeko aukera ematen diguna”, zioen Fernando entrenatzaileak, denen poza adieraziz. Ez zuten armaginek hasiera ona egin. Hiru azpitik ziren lehen ordu laurdena pasata, hala eta guztiz defentsa on bati esker, kontraeraso medio, markagailua erailtzea lortu zuten atsedenaldirako.Lehia estua izan zen 40 minututan zehar, baina bi puntuak lotu zituzten armaginek minutu oso on batzuei esker, nahiz eta oztopo batzuk aurkitu bidean: “Oso parekatua suertatu zen partida bigarren zatiko hamargarren minuturarte, hortik aurrera eta nahiz eta pare bat esklusio sufritu, aldea handitzea lortu genuen amaierararte”. Nota onarekin gainditu zuten urteko azken erronka eibartarrek. 300golen langa gainditu dute eibartarrek lehendabiziko 11 partidetan, inoiz lorturiko markarik handiena. Lander Casado izan zen norgehiagokako goleatzaile nagusiena zazpi golekin. Ander de Diego seirekin eta Axier Gisasola bostekin ederki lagundu zuten eibartarren erasoa. Ander de Diego eta Lander Casadok erasoan egin zuten lana goraipatzea nahiko nuke, Ereintzaren defentsa libratu bai zuten momenturik garrantzitsuenean. Atepean berriz, Ander Ballesteros nabarmendu zen merituz beteriko geldituak eginez. Atzealdean une batzuetan sendotasuna falta izan genuen arren, arerioak ez zuen erasotasunez jokatu. Ander Ballesterosen lan zoragarria atepean. Eibartar guztien buruan geratuko da Hierros Servando Eibar taldeak egin dituen azken hilabeteak. Orain geldialdiaz gozatzera, pilak kargatu eta ea nola bukatzen diren Covidaren ondorioz atzeratutako neurketak. Izugarria egindako lana. Zorionak guztioi.

Hierros Servando Eibarrek hirugarren garaipena jarraian eskuratu zuen larunbatean Elgoibarren (19-28). Bi partida irabazi gabe egon eta gero, armaginak garaitzaren bidezidorrera itzuli ziren. Neurketa nahiko gorabeheratsua suertatu zen hasiera batean, baina eibartarrek aldea pixkanaka handitzea lortu zuten bi puntuak zailtasun handirik gabe poltsikoratuz. Hori bai, printzipioz ematen zuena baino gehiago borrokatu behar izan zuten Fernandorenek, helburuzko arrakasta eskuratzeko. “Orokorrean neurketa serioa jokatu dugu, 6:0eko defentsarekin, nahiz eta erasoan oraindik arintasun pixka bat falta den”, zioen kontent entrenatzaileak. Ideia garbiekin pistaratu ziren gureak, joko erakargarria eginez, defentsa sendo eta pitzadura gabekoa erakutsiz. Hegaleko jokalariek erraz zulatzen zuten arerioaren babesa. Desabantaila hori sentitu harren, zurigorriak ez ziran kikildu, atsedenaldia baino lehenago suspertuz. Etxekoen aldeko 7-3ko partzialak amaieraldean gauzak estu uzten zituen bigarrenerako. Diferentzia hori handitzen saiatzera irten ziren eibartarrak; kostata baina norgehiagokaren azken herenean lortu zuten xedea. “Nahiko berdinduta egon da lehen zatia, baina kontraerasoan golak sartzeko aukera asko izan ditugu bigarren zatian egindako defentsa gogorrari esker. Horrek garaipenaren ateak zabaldu digu”. Azken bederatzi minutuetan ez zuten gol bakarra egin elgoibartarrek, horrek garaipena eskura eman zien armaginei, atepean eta defentsan eginiko lan bikainari esker ere noski. Ezin izan zen pistaratu Mikel Zuloaga, azken unean baja garrantzitsua bilakatuz, baina Lander Casado ederki konpondu zen, Mikelen erasoko aginte makila jasoz eta aurrealdean hau ordezkatzen. 10 gol egin zituen guztira, taldearen herena baino gehiago. 98 gol batzen dituzte bien artean. Ez zen eibartarren baja bakarra izan: Xabi Azkonizagak eta Jon Barruetabeñak ere ez ezin izan zuten Elgoibarren egon. Baina Fernandok ederki jakin zuen nola bete hutsune horrek. Azken orduko Azkonizagan, Barruetabeñan eta Zuloagan bajek, Markel Valencianoren debuta faboratu zuen. Jokin Aja eta Andoni Yarza jubenilek ere minutu batzuk jolasteko aukera izan zituzten.Lan bikaina egin zuten gazteek. Lehen postuan jarraitzen du Hierros Servando Eibar taldeak 15 punturekin, garai hauetan, pasa den denboraldian 6 puntu besterik ez zuten Fernandoren mutilek, aldea nabarmena da ezbairik gabe. Sailkapenean atzetik datorren Anaitasuna izango da Ipuruan hurrengo asteburuan. Lau neurketa jolastu dituzte orain arte, denak irabazi. Baina hori egun batzuk barru…